fbpx

ہم حکومت نہیں چلنے دیں گے:اپوزیشن نے وزیراعلٰی کے خلاف تحریک عدم اعتماد جمع کرادی

کوئٹہ:ہم حکومت نہیں چلنے دیں گے:اپوزیشن نے وزیراعلٰی کے خلاف تحریک عدم اعتماد جمع کرادی ،اطلاعات کے مطابق اپوزیشن نے بالآخروہی کردکھایاجو وہ چاہتے تھے، اطلاعات ہیں کہ وزیر اعلیٰ بلوچستان جام کمال کیخلاف تحریک عدم اعتماد جمع کروا دی گئی۔

بلوچستان سے ذرائع کے مطابق بلوچستان میں اپنی حکومت کے 3 سال مکمل کرنے والے وزیر اعلیٰ جام کمال خان کو عہدے سے ہٹانے کیلئے پہلا عملی قدم اٹھایا گیا ہے۔

 

 

 

ادھر اس حوالے سے معلوم ہوا ہےکہ بلوچستان اسمبلی کے 16 اراکین نے اپنے صوبے کے وزیراعلیٰ کیخلاف تحریک عدم اعتماد جمع کروا دی ہے۔

یہ بھی معلوم ہوا ہےکہ اراکین اسمبلی کے گروپ نے سیکرٹری اسمبلی کو جام کمال کیخلاف عدم اعتماد جمع کروائی۔ ترجمان بلوچستان حکومت لیاقت شاہوانی کا کہنا ہے کہ وزیراعلیٰ کیخلاف تحریک عدم اعتماد جمع کروانے والے تمام اراکین اسمبلی کا تعلق اپوزیشن سے ہے۔

ترجمان بلوچستان حکومت لیاقت شاہوانی کا کہنا ہے کہ عدم اعتماد لانا اپوزیشن کا حق ہے، اب اپوزیشن اپنی اکثریت بھی ثابت کر کے دکھائے۔

دوسری طرف تحریک عدم اعتماد پیش کرنے والے اپوزیشن کے اراکین اسمبلی نے موقف اختیار کیا ہے کہ بلوچستان کا بجٹ عدم مساوات پر مبنی ہے، آج ہر شخص چاہتا ہے کہ بلوچستان حکومت ختم ہو جائے، اسی لیے جام کمال کیخلاف تحریک عدم اعتماد لانے کا فیصلہ کیا گیا۔

باغی ٹی وی کے مطابق اس عدم اعتماد کے کامیاب ہونے کے چانسز بہت ہی کم ہیں‌ یہ حکومت پرایک دباوکی چال ہے