روس صدرکا10یا زائد بچوں کوجنم دینے والی خواتین کیلئے میڈل اور لاکھوں روپے انعام کا اعلان

0
52

ماسکو:روس صدرکا10یا زائد بچوں کوجنم دینے والی خواتین کیلئےمیڈل اور لاکھوں روپے انعام کا اعلان،دنیا میں جہاں بہت سے ممالک بڑھتی آبادی سے پریشان ہیں وہیں روس نے ملک کی آبادی بڑھانے کیلئے ایک دلچسپ اقدام اٹھایا ہے۔

غیر ملکی میڈیا رپورٹس کے مطابق روس کی آبادی میں مسلسل کمی کے باعث صدر پیوٹن نے 10 یا اس سے زائد بچے جنم دینے والی خواتین کو سوویت یونین دور کے اعزازی خطاب ’مدر ہیروئن‘ اور 16 ہزار ڈالرز سے زائد ( 34 لاکھ روپے سے زائد رقم) انعام میں دینے کا اعلان کیا ہے۔

رپورٹس کے مطابق روسی صدر کی جانب سے یہ اسکیم کورونا وبا کے دوران بچوں کی پیدائش کی شرح میں غیر معمولی کمی اور یوکرین جنگ میں ہزاروں روسی فوجیوں کی ہلاکت کے بعد سامنے آئی ہے۔

دوسری جانب اتنی بڑی رقم اور میڈل کو حاصل کرنے کیلئے خواتین کو کئی شرائط پوری کرنا ہوں گی جن میں تمام 10 بچوں کا زندہ ہونا ضروری ہے،اس کے علاوہ یہ رقم اس وقت ادا کی جائے گی جب خاتون کا دسواں بچہ ایک سال کا ہوجائے گا جبکہ ان تمام بچوں کی بہتر پرورش کرنا بھی ضروری ہے، جن میں بہتر تعلیم، صحت ، اخلاقیات وغیرہ شامل ہیں۔

مدر ہیروئن کا اعزازی خطاب 1944 میں شروع کیا گیا تھا جو ان خواتین کو دیا جاتا تھا جن کے بچے زیادہ ہوتے تھے تاہم 1991 میں سوویت یونین کے خاتمے پر اسے ختم کردیا گیا تھا۔رپورٹس کے مطابق مدر ہیروئن کا خطاب حاصل کرنے والی خواتین کو 5 ستاروں پر مشتمل ایک میڈل دیا جائے گا ۔

دوسری جانب ماہرین نے اس فیصلے کو مایوس کن قرار دیا جبکہ ایک نے کہا کہ روسی صدر پیوٹن کا ماننا ہے ،جن لوگوں کے خاندان بڑے ہوتے ہیں وہ زیادہ محب وطن ہوتے ہیں۔ اقوام متحدہ کے مطابق 2010 سے روس میں بچوں کی پیدائش کی شرح میں مسلسل کمی آئی ہے جو اب خطرناک حد تک بڑھ گئی ہے۔

Leave a reply