اسلام آباد:اگلانیب چیئرمین کون ہوگا؟وزیراعظم نے نئے چیئرمین نیب کی نامزدگی کا عمل شروع کرنے کی ہدایت کردی ،اطلاعات کے مطابق وزیراعظم عمران خان نے نئے چیئرمین نیب کی نامزدگی شروع کرنے کا ٹاسک وزیر قانون کو دے دیا۔
ذرائع کے مطابق وزیراعظم کی زیر صدارت چیئرمین نیب کی تقرری سے متعلق مشاورتی اجلاس ہوا جس میں وزیر قانون فروغ نسیم، شاہ محمود قریشی، پرویزخٹک، شفقت محمود، فواد چوہدری، بیرسٹرعلی ظفر اور اٹارنی جنرل نے بھی شرکت کی،
اسلام آباد سے ذرائع کے مطابق دوران اجلاس فروغ نسیم نے آئینی اور قانونی آپشنزپر وزیراعظم اور وزرا کو بریفنگ دی جب کہ وزیراعظم نے مشاورتی اجلاس کے دوران تمام وفاقی وزرا کی رائے لی۔
ذرائع کا کہنا ہےکہ چیئرمین نیب کی تقرری پر اپوزیشن لیڈر سے مشاورت کا کوئی فیصلہ نہیں کیا گیا ہے۔
ذرائع کےمطابق وزیراعظم نے نئے چیئرمین نیب کی نامزدگی شروع کرنے کا ٹاسک وزیر قانون کو سونپ دیا ہے اور چیئرمین نیب کی مدت ملازمت پوری ہونے پر نئے چیئرمین کی نامزدگی کا عمل شروع کرنے کی ہدایت کردی ہے،
وزیراعظم نے پیش کی گئی تجاویزکی روشنی میں وزیر قانون کو تجاویز پیش کرنے کی ہدایت کی ہے۔ذرائع کا بتانا ہےکہ وزیر اعظم نے چیئرمین نیب کی تقرری پر منگل یا بدھ کودو بارہ اجلاس بلانے کا فیصلہ کیا ہے۔
Leave a reply
