منشیات کی روک تھام کے لئے قانون نافذ کرنے والے تمام اداروں کا کردار قابل تحسین وفاقی وزیر انسداد منشیات,

وفاقی وزیر انسداد منشیات بریگیڈیئر (ر) اعجاز احمد شاہ نے کہا ہے کہ مکران کوسٹل لائن پر منشیات کی سمگلنگ کے خاتمے کے لیے بروقت اور موثر اقدامات سمیت ساحلی علاقوں میں منشیات کے خلاف کارروائیاں تیز کی جائیں گی، منشیات سے پاک معاشرے کی تکمیل تک اپنی کوششیں جاری رکھیں گے۔
جمعرات کو یہاں منشیات کے خاتمے کے لیے میری ٹائم کوآرڈینیشن کانفرنس سے خطاب کرتے ہوئے وفاقی وزیر انسداد منشیات نے کہا کہ منشیات کی روک تھام کے لئے قانون نافذ کرنے والے تمام اداروں کا کردار قابل تحسین ہے۔ انہوں نے کہا کہ سمندری راستے سے منشیات کی سمگلنگ پر مکمل طور پر قابو پانا بہت بڑی کامیابی ہوگی۔
انہوں نے کہا کہ اینٹی نارکوٹکس فورس کے ساتھ مل کر میری ٹائم سکیورٹی ایجنسی، پاکستان کوسٹ گارڈز اور پاکستان کسٹمز منشیات کی سمگلنگ کا خاتمہ کر سکتے ہیں، اس کے لیے تمام اداروں کا ساتھ چلنا اہم ہے۔ اعجاز احمد شاہ نے کہا کہ مکران کوسٹل لائن پر منشیات کی سمگلنگ کے خاتمے کے لیے بروقت اور موثر اقدامات اٹھائے جائیں گے جبکہ ساحلی علاقوں کی حدود میں منشیات کے خلاف کارروائیاں تیز کی جائیں گی۔
انہوں نے کہا کہ انٹیلی جنس ایجنسیوں کی مدد سے بروقت کارروائی میں مدد ملے گی۔ وفاقی وزیر نے کہا کہ منشیات فروشوں کے خلاف سخت ایکشن لینے میں تاخیر نہیں کی جائے گی، مجرموں کو سخت سزا کا سامنا کرنا پڑے گا