آرایس ایس، بی جے پی نازی ازم کی جدید شکل ہے، صدر نے قلعی کھول دی

اسلام آباد: صدرمملکت ڈاکٹر عارف الرحمن علوی نے بھارت میں ہندو انتہا پسندی اور مذہبی دہشت گردی سے پردہ اٹھاتے ہوئے کہا ہے کہ آر ایس ایس ، بی جے پی اور ہندتوانظریہ نازی ازم کی جدید شکل ہے. صدرمملکت نے دنیا بھر کی قوتوں کو بھارتی عزائم سے آگاہ کرتے ہوئے کہا ہے کہ بھارت میں ہٹلر کی تاریخ دہرائی جارہی ہے.

صدرمملکت ڈاکٹر عارف الرحمن علوی نے اپنے پیغام کے ذریعے دنیا کو یہ باور کرادیا ہے کہ جس طرح مقبوضہ کشمیر میں مسلمانوں پر ظلم و زیادتی کی جارہی ہے . اس پر دنیا کو نوٹس لیتے ہوئے بھارت کے خلاف ایکشن لے اورکشمیریوں کو بھارتی مظالم سے نجات دلائے

The RSS/BJP/Hinutva ideology is similar to Hitler's Nazism. Oppression of Muslims in Kashmir will never be able to suppress their will for freedom. https://t.co/clmXuK6d35

— Dr. Arif Alvi (@ArifAlvi) August 17, 2019

صدرمملکت نے بھارت سمیت عالمی برادری پر واضح کردیا کہ بھارتی مظالم کشمیریوں کی جدوجہد آزادی کو دبا نہیں سکتے ، بہت جلد کشمیر آزاد ہونے والا ہے. ڈاکٹر عارف الرحمن علوی نے کہا کہ پاکستان کشمیریوں کی تحریک آزادی کی بھر پور حمایت کرتا ہے . بہت جلد کشمیریوں کو خوشخبری ملنے والی ہے. پاکستانی قوم کشمیریوں کی آزادی کے لیے ہر قسم کی قربانی دینے کے لیے تیارہے.