fbpx

کرونا وائرس کی ابتر صورتحال، ضلعی انتظامیہ نے سر جوڑ لیا

ضلعی انتظامیہ نے کورونا وائرس کی صورتحال ابتر ہونے پر سخت اقدامات کا فیصلہ کرلیا-ڈپٹی کمشنر آغا ظہیر عباس شیرازی نے ضلعی انتظامیہ کے افسران اور ہیلتھ ٹیم نے میںٹنگ کرکے ضلع میں صورتحال کا جائزہ لیا-اجلاس میں ایڈیشنل ڈپٹی کمشنرز،اسسٹنٹ کمشنرز اور سی او ہیلتھ نے بھی شرکت کی-

ڈپٹی کمشنر کو اس موقع پر ضلع میں کورونا کی صورتحال اور ہسپتالوں میں دستیاب سہولیات بارے بریفنگ دی گئی-ڈپٹی کمشنر نے کورونا کے کیسز دن بدن بڑھنے کی صورت میں قبل از وقت جنگی بنیادوں پر کام کا حکم دیتے ہوئے کہا کہ ہسپتالوں میں آکسیجن سپلائی کو مزید بہتر بنانے کے لئے پیشگی انتظامات کئے جائیں-انہوں نے کہا کہ لاک ڈائون کے حوالہ سے نئی ہدایات موصول ہوتے ہی ان پر سختی سے عمل کرایا جائےبازاروں،پبلک ٹرانسپورٹ میں ایس او پیز کی خلاف ورزی کرنے والوں سے کوئی رعایت نہ برتی جائے-

ڈپٹی کمشنر نے مزید کہا کہ ٹیم ورک کے طور پر کام کرکے اس آفت کا مقابلہ کیا جاسکتا ہے-انہوں نے ہدایت کی کہ ہسپتالوں میں فرنٹ لائن فائٹرز کو تمام حفاظتی اشیاء فراہم کی جائیں.

جواب چھوڑیں

آپ کا ای میل ایڈریس شائع نہیں کیا جائے گا.