چونیاں (باغی ٹی وی،نامہ نگارمیاں عدیل اشرف) دی سمارٹ سکول چونیاں کیمپس کے طلبہ نے حالیہ منعقد ہونے والے کلسٹر لیول تقریری مقابلوں میں شاندار کارکردگی کا مظاہرہ کیا۔ سدرن لاہور کلسٹر کے انگلش تقریری مقابلے میں چونیاں کیمپس کی طالبہ بریرہ سلمان نے پہلی پوزیشن حاصل کر کے اپنی صلاحیتوں کا لوہا منوایا۔
دی سمارٹ سکولز پاکستان کے زیر انتظام منعقدہ ان مقابلوں میں ملک بھر کے 380 سے زائد اسکولز کے طلبہ و طالبات نے اردو اور انگلش تقریری مقابلوں میں حصہ لیا۔ مقابلے تین کیٹگریز میں منعقد کیے گئے، جن میں پریپ کلاس سے جماعت دوم، سوم سے جماعت ششم، اور ہفتم سے جماعت دہم کے طلبہ شامل تھے۔
دی سمارٹ سکول چونیاں کیمپس کے طلبہ نے ان مقابلوں میں مختلف کیٹگریز میں نمایاں کامیابیاں حاصل کیں:
پہلی کیٹگری میں انگلش تقریر میں بریرہ سلمان اور اردو تقریر میں موسیٰ سفیان نے پہلی پوزیشنیں حاصل کیں۔
دوسری کیٹگری میں انگلش تقریر میں غنویٰ فاروق نے پہلی اور اردو تقریر میں نور فاطمہ نے دوسری پوزیشن حاصل کی۔
تیسری کیٹگری میں انگلش تقریر میں عائشہ شاہد اور اردو تقریر میں ایمان ظفر نے پہلی پوزیشنیں حاصل کیں۔
علاقے کے معززین اور شہریوں نے دی سمارٹ سکول چونیاں کیمپس کے کامیاب طلبہ و طالبات، ان کے والدین، پرنسپل مس عائشہ انعم، ڈائریکٹر پروفیسر عبدالمتین شاہد اور اساتذہ کو مبارک باد پیش کی۔ طلبہ کی اس کامیابی نے اسکول اور علاقے کا نام روشن کر دیا ہے۔
