ٹھٹھہ : ایپکا ضلع کونسل کی چیف آفیسر کے خلاف قلم چھوڑ ہڑتال جاری

ٹھٹھہ،باغی ٹی وی( نامہ نگار راجہ قریشی)ایپکا ضلع کونسل کی چیف آفیسر کے خلاف قلم چھوڑ ہڑتال جاری
تفصیلات کے مطابق ضلع کونسل ٹھٹھہ کے چیف آفیسر اقبال پھلپوٹو کے خلاف آل پاکستان کلرک ایسوسی ایشن (ایپکا) کیجانب سے قلم چھوڑ ہڑتال دوسرے دن بھی جاری رہی ،ایپکا کے رہنماء منظور احمد اور راجو قریشی کے مطابق مزکورہ آفیسر نے ضلع کونسل میں من مانی مچائی ہوئی ہے اور پلاننگ کرکے ضلع کونسل کے اسٹاف کو آپس میں لڑانے کی کوشش کررہا ہے اور کروڑوں روپے کے گھپلے کر چکا ہے اس آفیسر کا کہنا ہے کہ بالا افسران میری جیب میں ہیں اس لئے میرا کوئی کچھ نہیں بگاڑ سکتا مزکورہ آفیسر آفس کا سرکاری سامان بھی رات کے اندھیرے میں لیکر چلا گیا ہے اور بیماری کا بہانہ کرکے اسپتال میں داخل ہوگیا ہے،ایپکاضلع کونسل کے رہنماؤں نے اپیل کی ہے کہ ایسے کرپٹ آفیسر کے خلاف فوری طور پر نوٹس لیتے ہوئے اس کے خلاف سخت محکمانہ کارروائی عمل میں لائی جائے بصورت دیگر ہم احتجاج کا دائرہ کار بڑھانے کا حق رکھتے ہیں۔

Leave a reply