ورلڈ ہیڈر ایڈ

آرٹیکل 149 کا اطلاق کراچی کے مسائل کا حل نہیں ، رضا ہارون نے تحفظات پیش کردیئے

کراچی : کراچی شہر کو وفاق کی تحویل میں لانے کے لیے آئین کے آرٹیکل 149 کی دفعہ 1 کے تحت اقدامات سے فائدہ نہیں نقصان ہوگا ، ان خیالات کا اظہار پاک سر زمین پارٹی کے رہنما رضا ہارون نے باغی ٹی وی سے کیا ،

باغی ٹی وی کے مطابق رضاہارون کا کہنا تھا کہ آئین کے آرٹیکل 194 کی دفعہ 1 میں کہیں بھی یہ واضح طور پر نہیں لکھا کہ وفاق صوبوں کے معاملات کو اپنے اختیار میں لے . رضا ہارون کا کہنا تھا کہ آئین کی یہ شق غیر قانونی اختراع ہے اور اس کے نفاذ سے صوبائی خودمختاری متاثر ہوگی

رضا ہارون کہتے ہیں‌کہ اگر یہ مشورہ دیا جاتا ہے وزیراعظم کو تو یہ بہت ہی کمزور اور غیر حقیقی ہوگا ، پاک سرزمین پارٹی کے رہنما رضا ہارون کا کہنا ہے کہ اگر وزیراعظم اور وفاقی حکومت ایسا کوئی قدم اٹھاتے ہیں تو یہ بدقسمتی ہوگی

باغی ٹی وی کے مطابق رضا ہارون نے کہا کہ وزیراعظم کو چاہیے کہ وہ احتیاط سے کام لیں اور جمہوری قدروں کی پاسداری کریں اور مقامی اور صوبائی قیادت سے مل کر کراچی کے مسائل کے حل کے لیے مشترکہ کوششیں کریں یہی کراچی کے لیے بہتر ہوگا

رضا ہارون کا کہنا ہے کہ وزیراعظم کی طرف سے 5 ارب روپے کی رقم کراچی کی بہتری کے لیے خرچ کرنا بہت بڑی بات ہے اور اگر یہ رقم باہمی رضامندی سے کراچی کی فلاح کے لیے خرچ کی جائے تو اور بھی بہتر ہوگا ، رضا ہارون نے باغی ٹی وی کو بتایا کہ اس خطیر رقم سے کراچی میں ڈرینج سسٹم میں بہتری لائی جاسکتی ہے اور کراچی کو گندگی سے پاک کرکے ایک صاف ستھرا اور خوبصورت شہر بنایا جا سکتا ہے

جواب چھوڑیں

آپ کا ای میل ایڈریس شائع نہیں کیا جائے گا.