fbpx

ترک قوم کی اس مشکل گھڑی میں ان کے ساتھ ہیں:ہم حاضر:ہمیں‌ خدمت کا موقع دیا جائے:وزیراعظم عمران خان

اسلام آباد :ترک قوم کی اس مشکل گھڑی میں ان کے ساتھ ہیں:ہمیں‌ خدمت کا موقع دیا جائے،اطلاعات کے مطابق وزیراعظم عمران خان نے جنگل میں لگی آگ سے نقصان پر ترک حکومت اور عوام سے افسوس اور ہمدردی کا اظہار کیا ہے،

 

 

وزیراعظم عمران خان نے ترک قوم کے نام اپنے پیغام میں کہا ہے کہ مشکل وقت میں ترک حکومت اور عوام کی مدد کے لئے تیار ہیں، آگ سے ہونے والے نقصان پر ان کے دکھ میں شریک ہیں۔ انہوں نے ٹویٹر پر اپنے پیغام میں کہا کہ ترکی کے جنگلات میں لگی آگ سے پیدا صورتحال پر ترک حکومت اور عوام کے ساتھ ہیں۔

 

وزیراعظم عمران خان نے مدد کی پیشکش کرتے ہوئے کہا کہ مشکل وقت میں ترک حکومت اور عوام کی مدد کے لئے تیار ہیں۔ اسی طرح قومی اسمبلی میں قائد حزب اختلاف اور صدر ن لیگ شہبازشریف نے اپنے بیان میں کہا کہ انتالیا کے مشرق میں ترکی کے 6 صوبوں میں جنگل میں لگی آگ بھڑک اٹھی۔

ان کا کہنا تھا کہ وہ بہت دکھی ہین کہ جنگل میں بھڑکنے والی آگ قیمتی جانوں کے ضیاع ، زرعی زمینوں اور مویشیوں کو شدید نقصان پہنچانے کا باعث بنی۔

 

انہوں نے ترک حکومت اور غمزدہ خاندانوں سے اظہار افسوس اور ہمدردی کرتے ہوئے کہا کہ ہم اپنے ترک بھائیوں اور بہنوں کیلئے نیک خواہشات رکھتے ہیں اور ان کیلئے دعاگو ہیں۔

دوسری جانب میڈیا رپورٹس کے مطابق ترکی کے جنگلات میں لگنے والی آگ سے 3 افراد جاں بحق اور 140 سے زائد زخمی ہو گئے۔ متاثرہ علاقوں سے لوگوں کا انخلاء جاری ہے۔

ترکی کے جنوبی علاقوں کے جنگلات میں لگی آگ پر قابو پانے کے لیے کوششیں جاری ہیں، متاثرہ علاقوں میں 75 کلومیٹر فی گھنٹہ کی رفتار سے چلنے والی ہواں سے آگ پھیلتی جا رہی ہے