قوموں پرمشکل وقت آتا ہےمگرگھبرانا نہیں:اللہ ہمارے ساتھ ہے:وزیراعظم عمران خان کا قوم کے نام اہم پیغام

اسلام آباد: قوموں پرمشکل وقت آتا ہےمگرگھبرانا نہیں:اللہ ہمارے ساتھ ہے:وزیراعظم عمران خان کا قوم کے نام اہم پیغام ،اطلاعات کے مطابق وزیر اعظم عمران خان نے سپریم کورٹ آف پاکستان کے فیصلے کے بعد ٹوئٹر پر قوم کے نام اہم پیغام جاری کر دیا ہے۔

سماجی رابطے کی ویب سائٹ ٹوئٹر پر وزیر اعظم عمران خان نے کہا کہ میں نے کل وفاقی کابینہ اجلاس طلب کرلیا ہے، پارلیمانی پارٹی کا اجلاس بھی کل طلب کرلیا ہے۔

I have called a cabinet mtg tomorrow as well as our parl party mtg; & tomorrow evening I will address the nation. My message to our nation is I have always & will continue to fight for Pak till the last ball.

— Imran Khan (@ImranKhanPTI) April 7, 2022

وزیر اعظم نے بتایا کہ کل شام قوم سے خطاب بھی کروں گا، قوم کے لیے پیغام ہےکہ میں پاکستان کے لیے آخری گیند تک لڑتا رہوں گا۔

خیال رہے کہ سپریم کورٹ نے 3 اپریل کی ڈپٹی اسپیکر قومی اسمبلی کی رولنگ کو کالعدم قرار دیتے ہوئے تحریک عدم اعتماد کو برقرار رکھا ہے۔ عدالت نے قومی اسمبلی تحلیل کرنے کا فیصلہ مسترد کرتے ہوئے کابینہ کو بھی بحال کر دیا ہے۔

چیف جسٹس عمر عطا بندیال نے مختصر فیصلہ سناتے ہوئے نگراں حکومت کے قیام کے لیے صدر اور وزیراعظم کے اقدامات کو بھی کالعدم قرار دیتے ہوئے ڈپٹی اسپیکر کی رولنگ سےپہلےکی صورتحال بحال کر دی۔

سپریم کورٹ نے جلدازجلد تحریک عدم اعتماد کو نمٹانےکا حکم دیتے ہوئے ہدایت کی کہ اسمبلی اجلاس کوغیرمعینہ مدت تک ملتوی نہ کیا جائے اسپیکرعدم اعتمادتحریک نمٹانے تک اجلاس ملتوی نہیں کرسکیں گے۔

عدالت نے تحریک عدم اعتماد پر 9 اپریل ہفتے کی صبح بجے 10 بجے ووٹنگ کرانے کا حکم دیا ہے، قومی اسمبلی تحلیل ہونےکی کوئی آئینی حیثیت نہیں ہے ججز نےآپس میں تفصیلی مشاورت کی ہے رولنگ سےمتعلق تفصیل بعدمیں دی جائے گی۔