اسلام آباد:کرونا وائرس پھر سے سراٹھانے لگا : پمز ہسپتال کے 30 ملازمین وائرس کا شکار ہو گئے،اطلاعات کے مطابق پاکستان میں کورونا کی وبا دوبارہ سر اٹھانے لگی ، پمز ہسپتال کے 30 ملازمین وائرس کا شکار ہو گئے۔اس خبرکےبعد ہسپتال میں ہرطرف خوف کی فضا پیدا ہوگئی ہے
پاکستان انسٹی ٹیوٹ آف میڈیکل سائنسز کے طبی اور نیم طبی عملے میں کورونا وائرس کی تصدیق ہوئی ہے، ترجمان کے مطابق پمز کے 30 ملازمین کورونا وائرس کا شکار ہو گئے،کورونا وائرس سے متاثرہ عملے میں نرسز، ڈاکٹرز اور پیرامیڈیکل سٹاف شامل ہیں،کورونا سے متاثرہ عملے کی صحت تسلی بخش ہے۔
ترجمان کا مزید کہنا ہے کہ پمز کے آئسولیشن وارڈ میں کورونا کے 10 مریض زیرعلاج ہیں جن میں 3 کی حالت تشویشناک ہے ۔
