مقبوضہ کشمیر:کشمیری نوجوانوں کے جنازے میں ہزاروں افراد شریک ،خراج تحسین بھی پیش کیا

سری نگر :مقبوضہ کشمیر دوکشمیری شہداء کے نماز جنازہ میں ہزاروں کمشیری شریک ،اہل کمشیر نے کشمیری شہید جوانوں کو خراج تحسین پیش کیا.مقبوضہ کشمیر سے آمدہ اطلاعات کے مطابق مقبوضہ کشمیر میں بھارتی فوج کے مظالم جاری ہیں اور تازہ کارروائی میں بھارتی فوج نے جنوبی کشمیر کے علاقے ترال اور بیج بہارا میں دو کشمیری نوجوانوں عاد ل رحمن داس اور شبیر احمد ملک کو فائرنگ کرکے شہید کردیا

اطلاعات کے مطابق عادل رحمن داس کو وغاما کے علاقے میں جبکہ شبیر احمد کو نگبال پلوامہ ضلع کے علاقے میں شہید کیا گیا .ان دونو ں کشمیری شہداء کے جنازوں میں ہزاروں افراد شریک ہوئے.عین اسی وقت جب ان کشمیری شہداء کا نماز جنازہ ادا کیا جارہا تھا چند کشمیری مجاہدین اپنے ہاتھوں میں بندوقیں لہراتے ہوئے وہاں پہنچ گئے .ان کشمیری شہداء کو خراج تحسین پیش کرنے کے لیے خواتین اپنے گھروں سے نکل پڑیں اور شہداء پر پھول نچھاور کرتی رہیں اور ساتھ ساتھ پاکستان زندہ باد کے نعروں سے علاقے کی فضا کو معطر کردیا .