منڈی بہاؤالدین (باغی ٹی وی، نامہ نگار افنان طالب)منڈی بہاؤالدین کے تین روشن چراغوں نے انسانیت کی مثال قائم کر دی
منڈی بہاؤالدین کے تین عظیم شخصیات نے اپنی سخاوت اور انسان دوستی سے ایسی مثال قائم کی جو پورے معاشرے کے لیے مشعلِ راہ ہے۔ یہ چراغ اپنی روشنی سے انسانیت کو روشناس کروا رہے ہیں۔
ارشد مانگٹ:
ارشد مانگٹ نے اپنی 230 مرلہ قیمتی زمین 46 مستحق خاندانوں میں تقسیم کر کے فلاحی خدمات کی شاندار مثال پیش کی۔ ان کا یہ اقدام بے سہارا خاندانوں کے لیے نئی امید کا سبب بنا۔
شہزاد علی گوندل:
رکن کے شہزاد علی گوندل ہر سال اجتماعی شادیاں کرواتے ہیں۔ اس سال انہوں نے 20 مستحق بچیوں کو جہیز دے کر ان کی رخصتی ممکن بنائی۔ ان کی خدمات کا سلسلہ برسوں سے جاری ہے، جو معاشرتی ہم آہنگی اور محبت کی عکاسی کرتا ہے۔
عاطف نذیر کدھر (ایس ایس پی ایڈمنسٹریشن لاہور):
عاطف نذیر کدھر نے اپنے گاؤں کی 7 مستحق بچیوں کی شادی کے لیے ضروری سامان فراہم کیا۔ ان کی سخاوت اور خلوص نے خاندانوں کے دل جیت لیے اور ان کی دعائیں سمیٹیں۔
تقریبات اور خدمت کا جذبہ:
شہزاد علی گوندل اور عاطف نذیر کدھر نے مہمانوں کے لیے شاندار کھانے کا اہتمام کیا، جس سے ان تقریبات کی شان اور بڑھ گئی۔
یہ روشن چراغ ان لوگوں کے لیے سبق ہیں جو اپنی دولت کو محض دکھاوے میں ضائع کرتے ہیں۔ ان شخصیات نے ثابت کیا کہ دولت کو انسانیت کی خدمت کے لیے استعمال کرنا معاشرے میں مثبت تبدیلی کا سبب بن سکتا ہے۔
