ٹک ٹاک نے 18 سال سے کم عمر صارفین کے لیے نئی پالیسی متعارف کرادی

0
28

دنیا بھر میں مقبول ویڈیو شیئرنگ ایپ ٹک ٹاک نے 18 سال سے کم عمر صارفین کے لیے نئی پالیسی متعارف کرادی۔

باغی ٹی وی : میڈیا رپورٹس کے مطابق ٹک ٹاک کی جانب سے جاری کیے جانے والی بیان کے مطابق 18 سال یا اُس سے کم عمر صارفین کے لیے پالیسی میں اہم تبدیلیاں کی گئی ہیں۔

ٹک ٹاک ایپ میں نئی تبدیلیوں کے تحت اب نہ صرف 18 سال یا اُس سے کم عمر بچوں کے اکاؤنٹ پبلک کے بجائے پرائیوٹ کردیئے جائیں گے بلکہ ٹک ٹاک نے 15 سال کی عمر تک کے صارفین کے اکاؤنٹ پر ویڈیو ڈاؤن لوڈ کرنے کی سہولت بھی ختم کرنے کا فیصلہ کیا ہے۔

ٹک ٹاک نے اپنے حالیہ بیان میں واضح کیا کہ اُس نے پالیسی میں تبدیلی حفاظتی اقدامات کے تحت کی ہے تاکہ بچے محفوظ طریقے سے پلیٹ فارم سے جڑے رہیں اور والدین کے تحفظات کو بھی ختم کیا جاسکے۔

ٹک ٹاک کے مطابق پندرہ سال یا اُس سے کم عمر بچے اب ڈو اِٹ فیچر استعمال نہیں کرسکیں گے جبکہ 16 سے 18 سال تک کی عمر کے بچوں کو یہ سہولت دستیاب رہے گی۔

کمپنی کی جانب سے مزید یہ بھی بتایا گیا ہے کہ عمر کا تعین اکاؤنٹ بناتے وقت درج کی جانے والی تاریخ پیدائش پر کیا جائے گا، جن اکاؤنٹس پر پابندی عائد کی گئی ہے انہیں بذریعہ نوٹیفکیشن آگاہ کردیا جائے گا۔

Leave a reply