ٹک ٹاک پر نا مناسب ویڈٰیووائرل ہونے پراستا د اور طالبہ پر پابندی عائد

0
21

خیبرپختونخوا کے شہر ہری پور میں گورنمنٹ پوسٹ گریجوئیٹ کالج فار بوائز کے شعبہ انگریزی کے استاد کی جانب سے اپنی طالبہ کے ساتھ بنائی گئی ویڈیو ٹک ٹاک پر وائرل ہونے کے بعد کالج انتطامیہ نے دونوں پر پابندی عائد کردی

ویڈیو میں طالبہ اور استاد کو نامناسب انداز میں دکھایا گیا تھا اور دونوں کی ویڈیو کسی تیسرے فرد نے ریکارڈ کی تھی ویڈیو وائرل ہونے کے بعد کالج انتطامیہ نے معاملے کی تفتیش کروائی تو تفتیش میں یہ بات ثابت ہوئی کہ وائرل ہونے والی ویڈیو کالج میں ہی بنائی گئی تھی

کالج کے پرنسپل ڈاکٹر محمد اشفاق نے نامناسب ویڈیو بنائے جانے والے واقعے کی تصدیق کی اور بتایا کہ اب ویڈیو میں نظر آنے والے لیکچرر اور طالبہ کا معاملہ محکمہ تعلیم کے اعلی حکام ڈائریکٹر ہائر ایجوکیشن اور سیکرٹری ایجوکیشن کے پاس ہے

انہوں نے بتایا کہ اعلی حکام ہی ویڈیو بنانے والے لیکچرر کے حوالے سے فیصلہ کریں گے کہ ان کے خلاف کیا محکمانہ کارروائی کی جائے یا پھر ان دونوں کو پولیس کے حوالے کیا جائے جبکہ لیکچرر اور طالبہ کے خلاف اعلی حکام کی جانب سے کارروائی کے فیصلے سے قبل ہی کالج انتطامیہ نے دونوں پر پابندی عائد کردی ہے

اس واقعہ سے قبل پاکستان ایئرلائن پی آئی اے کی ایئرہوسٹس سمیت دیگر اداروں کے ملازمین پر بھی ٹک ٹاک ویڈیو بنانے پر محکمانہ کارروائیاں کی جا چکی ہیں علاوہ ازیں ویڈیوز بناکر ٹک ٹاک پر اپ لوڈ کرنے پر پہلے بھی پاکستان میں سرکاری و نجی ملازمین پر پابندیاں عائد کی جا چکی ہیں

Leave a reply