ٹک ٹاکرز کی ویڈیوز دیکھ کر سوچتی ہوں کہ یہ لوگ مجھ سے زیادہ باصلاحیت ہیں یمنیٰ زیدی

0
28

پاکستان شوبز انڈسٹری کی معروف اداکارہ یمنیٰ زیدی کا کہنا ہے کہ وہ ٹک ٹاکرز کی ویڈیوز دیکھ کر سوچتی ہیں کہ یہ لوگ مجھ سے کہیں زیادہ باصلاحیت ہیں اگر وہ اداکارہ نہ ہوتیں تو ٹک ٹاک ویڈیوز بناتیں

باغی ٹی وی : ٹک ٹاک ایپ جتنی نوجوانوں میں مقبول ہیں اتنا ہی اسے ناپسند کیا جاتا ہے یہاں تک کہ شوبز شخصیات بھی متعدد بار اس ایپ کے لئے اپنی ناپسندیدگی کا اظہار کر چکی ہیں تاہم ایک پاکستانی اداکارہ ایسی ہی‌ جنہیں ٹک ٹاک ایپ اتنی پسند ہے کہ ان کا اس کے بارے میں کہنا ہے کہ اگر وہ اداکارہ نہ ہوتیں تو ٹاک ٹاک سٹا ر ہوتیں اور یہاں تک کہا کہ وہ تو ٹک ٹاکرز کو اداکاروں سے زیادہ باصلاحیت سمجھتی ہیں-

جی ہاں وہ اداکارہ یمنیٰ زیدی ہیں ڈر سی جاتی ہے صلہ اور پیار کے صدقے سمیت متعدد ڈراموں میں اپنی جاندار اداکاری سے اپنی منفرد پہچان بنانے والی با صلاحیت اداکارہ یمنیٰ زیدی کی ایک ویڈیو سوشل میڈیا پر وائرل ہو رہی ہے جس میں وہ اداکارہ و میزبان ڈاکٹر شائستہ لودھی کے ساتھ ٹک ٹاک ایپ کے بارے میں بات کرتی نظر آ رہی ہیں-
https://www.instagram.com/p/CEldnZWnb5S/?igshid=r1n2debugo94
ویڈیو میں شائستہ لودھی یمنیٰ زیدی سے پوچتی ہیں کہ وہ ٹک ٹاک دیکھتی ہیں جس پر یمنیٰ زیدی کہتی ہیں کہ مجھے ایسا لگتا ہے کہ جب کبھی آپ کے پاس فارغ ٹائم ہو تو ایک ڈیڑھ گھنٹہ یوں نکل جاتا ہے کہ مجھے خبر بھی نہیں ہوتی۔

یمنیٰ زیدی نے کہا ٹک ٹاک ویڈیوز بنانے کے لیے لوگ بہت محنت کرتے ہیں جسے دیکھ کر میں سوچتی ہوں وہ مجھ سے کہیں زیادہ باصلاحیت ہیں۔

شائستہ لودھی نے کہا کہ ٹک ٹاک پر ایسے ایسے اداکار مل جاتے ہیں کہ میں پریشان ہو جاتی ہوں اور انہیں دیکھ کر میں سوچتی ہوں کہ کیا کمال ہے۔

یمنیٰ زیدی نے کہا اگر میں اداکاری نہیں کررہی ہوتی تو ٹک ٹاک بناتی کیونکہ ٹک ٹاک ویڈیوز دیکھتے ہوئے بہت مزہ آتا ہے کسی اور کی آواز میں ایکشن بناکر بولنا بہت مزے کا لگتا لیکن میں نے آج تک کبھی کوئی ٹک ٹاک ویڈیو نہیں بنائی بس اپنی ویڈیوز پر کبھی کبھار میوزک ایڈ کر لیتی ہوں-

شائستہ لودھی کہا کہ جب لوگ آپ کی ویڈیوز پر کمنٹ کرتے ہیں اور ویڈیوز وائرل ہوتی ہیں تو بہت مزہ آتا ہے۔

یمنیٰ زیدی نے مزید کہا کہ میں تو اپنے ڈائیلاگ پر نہیں بولتی کسی اور کی آواز پر بولنے کے لیے بہت ہمت چاہیئے ہوتی ہے۔

یمنیٰ زیدی دنیا بھر میں موجود اپنے مداحوں کی شُکرگزار

 

Leave a reply