علامہ خادم رضوی کی وفات، تحریک لبیک کے نئے امیر کا اعلان کر دیا گیا

علامہ خادم رضوی کی وفات، تحریک لبیک کے نئے امیر کا اعلان کر دیا گیا
باغی ٹی وی کی رپورٹ کے مطابق علامہ خادم حسین رضوی کی نماز جنازہ ادا کر دی گئی، نماز جنازہ میں لاکھوں افراد شریک ہوئے

خادم حسین رضوی صاحب کے صاحبزادے حافظ سعد حسین رضوی تحریک لبیک پاکستان کے امیر مقررکر دیئے گئے، نماز جنازہ سے قبل انہیں امیر مقرر کیا گیا اور ان سے حلف لیا گیا،

نماز جنازہ کی ادائیگی کے بعد اب عوام گھروں کی جانب جانے کے لئے تیار ہیں، گریٹر اقبال پارک کے تمام گیٹ کھول دیئے گئے ہیں تا کہ کسی بھگدڑ سے بچا جا سکے،انتظامیہ کی جانب سے کہا گیا کہ شہری باہر نکلنے میں احتیاط کریں،

علامہ خادم رضوی کے نماز جنازہ میں شرکت کے لئے گزشتہ شب سے شہری مینار پاکستان گراؤنڈ میں پہنچ گئے تھے، نماز جنازہ کے بعد دعا کروائی گئی.

مینار پاکستان گراؤنڈ میں عوام کا جم غفیر تھا، تحریک لبیک کے کارکنان روتے نظر آئے وہ اپنے قائد کی موت پر غمزدہ تھے،نماز جنازہ میں علماء کرام، طلبا، سمیت تمام مکاتب فکر کے افراد شریک ہوئے

نماز جنازہ کے موقع پر سیکورٹی کے سخت انتظامات کئے گئے تھے، علامہ خادم رضوی کے جسد خاکی کو یتیم خانہ چوک سے مینار پاکستان ایمبولینس کے ذریعے پہنچایا گیا، سمن آباد، چوبرجی چوک، ایم اے او کالج، کچہری، داتا دربار سے ہوتا ہوا قافلہ مینار پاکستان پہنچا تھا جہاں انکی نماز جنازہ ادا کی گئی

فیض آباد، تحریک لبیک کا احتجاج جاری، پولیس کا رات گئے آپریشن ناکام

تحریک لبیک احتجاج، اسلام آباد میں کون کونسے راستے بند ہیں؟ ڈی سی نے بتا دیا

تحریک لبیک کا دھرنا، کارکنان گرفتار،کیا خادم حسین رضوی کو گرفتار کر لیا گیا؟

تحریک لبیک دھرنا،راستے بند ہونے پر ٹریفک کا متبادل روٹ جاری

شاہد خاقان عباسی نے تحریک لبیک کے دھرنے کو "میلہ” قرار دے دیا

فیض آباد دھرنا،وزیراعظم کا نوٹس،اہم شخصیت کو طلب کر لیا

مذاکرات ہی نہیں ہوئے تو کامیابی کیسی؟ تحریک لبیک کا دھرنا جاری رکھنے کا اعلان

علامہ خادم رضوی کی وفات، فیض آباد معاہدہ پر عمل ہو پائے گا؟

علامہ خادم رضوی کا دو روز قبل انتقال ہوا تھا، انہیں شیخ زید ہسپتال منتقل کیا گیا تھا تا ہم ڈاکٹرز نے انکی موت کی تصدیق کی، جس کے بعد انکے ورثا نے نماز جنازہ کا اعلان کیا تھا

علامہ خادم رضوی کی وفات پر آرمی چیف، وزیراعظم سمیت سیاسی و مذہبی جماعتوں کے سربراہان نے اظہار تعزیت کیا تھا

علامہ خادم رضوی کے نماز جنازہ کا وقت دس بجے مقرر کیا گیا تھا تا ہم جسد خاکی مینار پاکستان گراؤنڈ میں لیٹ پہنچنے کی وجہ سے نماز جنازہ کی لیٹ ادائیگی ہوئی.

 

جواب چھوڑیں

آپ کا ای میل ایڈریس شائع نہیں کیا جائے گا.