مرکزی مسلم لیگ کے نائب صدر حافظ طلحہ سعید نے کہا ہے کہ تحفظ ناموس رسالت ہر مسلمان کے ایمان کا حصہ ہے.سوشل میڈیا پر شان رسالت ﷺ میں گستاخیاں منظم انداز میں کی جاتی ہیں، سوشل میڈیا پر توہین آمیز مواد کے حوالہ سے وکلا کو قانونی راستہ اختیار کرنا چاہئے
ان خیالات کا اظہار انہوں نے علامہ اقبال آڈیٹوریم ہال لاہور ہائیکورٹ بار میں یوم تحفظ ناموس رسالت کے موقع پر منعقدہ سیمینار سے خطاب کرتے ہوئے کیا. سیمینار میں وکلا کی کثیر تعداد شریک ہوئی. اس موقع پر حافظ طلحہ سعید کا کہنا تھا کہ مغرب میں توہین آمیز اقدامات کے خلاف اقوام متحدہ اور دیگر بین الاقوامی اداروں کو فوری کارروائی کرنی چاہیے۔ مسلمان اپنے مذہبی اقدار کی حفاظت کے لیے ہمہ وقت تیار رہیں اور اپنے عقیدے کے دفاع میں کسی بھی قربانی سے دریغ نہ کریں۔سوشل میڈیا پر توہین آمیز مواد کے حوالہ سے وکلا کو قانونی راستہ اختیار کرنا چاہئےاور ملکی و بین الاقوامی سطح پر ایسے قوانین کے نفاذ کے لیے کوشش کرنی چاہیے جو مقدس ہستیوں کی توہین کو روک سکیں۔
حافظ طلحہ سعید کا مزید کہنا تھا کہ سوشل میڈیا پر موجود گستاخانہ مواد نہ صرف مسلمانوں کے جذبات کو مجروح کرتا ہے اس کے سدباب کے لیے وکلا کو عدالتی کارروائی، قانونی چارہ جوئی اور پالیسی سازی میں موثر کردار ادا کرنا ہوگا۔ مرکزی مسلم لیگ تحفظ ناموس رسالت کے لئے کردار ادا کرتی رہے گی.سید الانبیاء حضرت محمد مصطفی ﷺ سے محبت وعقیدت مسلمان کے ایمان کا بنیادی حزو ہے ۔ رسول اللہ ﷺ سے محبت ہی صرف وہ چیز ہے جو دنیااور آخرت میں کامیابی کی ضمانت اور اللہ رب العزت کی محبت پانے کاذریعہ ہے ۔اور اسی طرح کسی بھی شخص کاایمان اس وقت تک مکمل قرار نہیں دیا جاسکتا جب تک رسول اللہ ﷺ کو تمام رشتوں سے بڑھ کر محبوب ومقرب نہ جانا جائے
