قومی اسمبلی کا آج کا اجلاس،تحریک عدم اعتماد ایجنڈے میں شامل:پی ٹی آئی کےمنحرف ارکان کوپکڑنےکی چال

اسلام آباد:قومی اسمبلی کا آج کا اجلاس،تحریک عدم اعتماد ایجنڈے میں شامل:پی ٹی آئی کےمنحرف ارکان کوپکڑنےکی چال ،اطلاعات کے مطابق وزیراعظم عمران خان کے خلاف تحریک عدم اعتماد کی قرارداد پیش کیے جانے کے بعد قومی اسمبلی کا ہنگامہ خیز اجلاس آج پھر ہو گا۔

قومی اسمبلی کا اجلاس جمعرات کی شام 4 بجے پارلیمنٹ ہاؤس میں ہوگا۔ ایجنڈے کے مطابق وزیر اعظم کے خلاف عدم اعتماد کی قرارداد پر بحث کی جائے گی۔

قرارداد کے متن کے مطابق وزیر اعظم عمران خان ایوان کا اعتماد کھو چکے ہیں، عمران خان اب وزارت عظمیٰ کے عہدے پر فائِز نہیں رہ سکتے۔اپوزیشن لیڈر شہباز شریف وزیراعظم کے خلاف تحریک عدم اعتماد پر بحث کا آغاز کریں گے۔

باغی ٹی وی کو بااعتماد ذرائع سے ملنے والی خبروں میں بتایا گیاہے کہ آج کے اجلاس میں صرف بحث ہوگی اورپھراس اجلاس میں پی ٹی آئی کے منحرف اراکین کواجلاس میں شرکت کے دوران ہتھیانے کا پروگرام بھی ہے جس کے لیے اہم وسائل بھی حاصل ہوں گے ، ان اراکین کے ساتھ کیا سلوک ہوگا فی الحال پوچھنے کے باوجود یہ نہیں بتایا گیا

یہ بھی معلوم ہوا ہےکہ ان منحرف پی ٹی آئی کے ممبران کے ووٹ توکاسٹ ہوں گے مگرآئینی طورپراسپیکرکے اختیار میں ہےکہ وہ ان کوگنتی میں شمار کرے یا ناں کرے

خیال رہے کہ 28 مارچ کو قومی اسمبلی کے اجلاس میں اپوزیشن نے وزیراعظم عمران خان کے خلاف تحریک عدم اعتماد پیش کی تھی۔

نمبر گیم کی صورتحال پر بات چیت کی جائے تو جمہوری وطن پارٹی، بلوچستان عوامی پارٹی، متحدہ قومی موومنٹ حکومتی اتحاد سے علیحدہ ہو چکے ہیں، جس کے بعد متحدہ اپوزیشن کو عددی نمبر سے بھی زیادہ تعداد حاصل ہو گئی ہے۔ سندھ ہاؤس میں 196 اراکین اسمبلی نے شرکت کی، اپوزیشن کی طرف سے تمام رہنماؤں سے دستخط لے لیے گئے ہیں۔