توہین عدالت کیس، وزیراعظم بھی اپنا بیان حلفی جمع کرائیں،عدالت کا حکم

0
30

توہین عدالت کیس، وزیراعظم بھی اپنا بیان حلفی جمع کرائیں،عدالت کا حکم
باغی ٹی وی کی رپورٹ کے مطابق پشاور ہائیکورٹ میں توہین عدالت درخواست پر سماعت ہوئی

شہزاد اکبر اور سابق اٹارنی جنرل انور منصور عدالت میں پیش ہوئے، شہزاد اکبر نے کہا کہ عدالت سے غیر مشروط معافی چاہتے ہیں،توہین عدالت کا سوچ بھی نہیں سکتے جو ہوا اس پر معافی چاہتے ہیں، عدالت کے رحم و کرم پر اپنے آپ کو چھوڑتا ہوں،

سابق اٹارنی جنرل انور منصور نے کہا کہ پتہ نہیں مجھے کیوں فریق بنایا گیا ،جو کچھ ہوا اس پر معافی چاہتے ہیں، جسٹس روح الامین نے کہا کہ آپ اس وقت ذمہ دار عہدے پر تھے شاید اس وجہ سے آپ کو فریق بنایا ہے،کوئی عام ملازم اگر اس طرح کریں تو ہم اس کو چھوڑ دیتے ہیں، اگر بڑے عہدے پر بیٹھے لوگ اس طرح کرتے ہیں تو اچھی بات نہیں ،عدالت اور پارلیمنٹ سپریم ادارے ہیں اس کا احترام سب پر لازم ہے، کسی کے خلاف کوئی فیصلہ آئے تو جذبات میں نہیں آنا چاہیے،

جسٹس سید عتیق شاہ نے کہا کہ اٹارنی جنرل نے انٹرنیشنل کورٹ آف جسٹس میں فیصلے کا حوالہ دیا، عدالت نے کہا کہ آپ اپنا بیان حلفی جمع کریں پھر ہم استثنیٰ دیں گے،شہزاد اکبر نے کہا کہ ہم ابھی اپنا بیان حلفی اپنی جمع کریں گے، عدالت نے کہا کہ وزیراعظم بھی اپنا بیان حلفی جمع کریں،

عدالت نے وفاقی وزیر فواد چودھری اور فردوس عاشق اعوان کو نوٹس جاری کر دیئے،عدالت نے وفاقی وزیر فواد چودھری اور فردوس عاشق اعوان کوآئندہ سماعت پر پیش ہونے کا حکم دے دیا

Leave a reply