توہین مسجد نبوی ٫عمران خان۔ شیخ رشید٫فواد چودھری پر مقدمہ درج

باغی ٹی وی کی رپورٹ کے مطابق سابق وزیراعظم عمران خان سابق وزیر داخلہ شیخ رشید احمد فواد چودھری قاسم سوری شہباز گل کے خلاف دفعہ 295 کے تحت مقدمہ درج کر لیا گیا ہے

مقدمے میں جہانگیر ۔انیل مسرت سمیت دیگر ملزمان کو بھی نامزد کیا گیا ہے

مقدمہ پنجاب کے شہر فیصل آباد میں درج کیا گیا ہے ۔مقدمہ وزیراعظم شہباز شریف کے دورہ سعودی عرب کے دوران مسجد نبوی میں نازیبا نعروں کو بنیاد بنا کر درج کیا گیا ہے۔ درج مقدمے میں کہا گیا ہے کہ سارا وقعہ منصوبہ بندی ہے تحت ہوا ۔ پی ٹی آئی رہنما وہاں موجود تھے شیخ رشید و دیگر نے منصوبہ بندی کی تھی واقعہ سے مسلمانون کی دل آزاری ہوئی نعرے لگائے گئے جہان عبادت ہوتی ہے پی ٹی آئی سوشل میڈیا اکاؤنٹس سے ویڈیو شیئر ہوئیں جہانگیر اور انیل مسرت موجود تھے شیخ راشد شفیق کی ویڈیو بھی آئی سارا واقعہ منصوبہ بندی کے تحت ہوا اور اس مجرمانہ فعل میں عمران خان شہباز گل فواد چودھری شیخ رشید قاسم سوری کا کردار ہے ان پر مقدمہ درج کیا جاءے پولیس نے واقعہ کا مقدمہ درج 296 کے تحت درج کر لیا ہے پولیس کا کہنا ہے کہ مقدمہ میں نامزد افراد کو جلد گرفتار کر لیا جائے گا

واضح رہے کہ وزیراعظم شہباز شریف کے دورہ سعودی عرب کے دوران نازیبا واقعہ پیش آیا مسجد نبوی میں نعرے لگائے گیے مریم اورنگزیب شاہ زین بگٹی سے بدتمیزی کی گئی واقعہ کے بعد سعودی حکام نے ایکشن لیا اور چند شرپسندون کو گرفتار کیا ۔وفاقی وزیر داخلہ رانا ثنا اللہ کا کہنا تھا کہ سعودی حکام سے ان افراد کے خلاف کاروائی کا مطالبہ کریں گے

سماجی رابطے کی ویب سائٹ ٹویٹر پر گزشتہ دو روز سے صارفین سراپا احتجاج ہیں اور ملزمان کے خلاف کاروائی ا مطالبہ کر رہے ہیں پاکستان کی سیاسی و مذہبی جماعتوں نے بھی واقعہ کی شدید مذمت کی ہے

واقعہ پر اسلام آباد اور دیگر کئی شہرون میں بھی اندراج مقدمہ کی درخواستیں دی گئی ہیں جن پر ابھی تک مقدمہ درج نہیں ہو سکا البتہ فیصل آباد میں مقدمہ درج ہو گیا ہے