ایشیا کے سب سے بڑے فلمی میلے ٹوکیو انٹرنیشنل فلم فیسٹول کا آغاز ہوگیا

ایشیا کے سب سے بڑے فلمی میلے ٹوکیو انٹرنیشنل فلم فیسٹول کا آغاز ہوگیا ہے دنیا بھر میں پھیلی موذی وبا کورونا وائرس کی وجہ سے فیسٹیول کی تقریب محدود پیمانے پر منعقد کی گئی-

باغی ٹی وی :غیر ملکی میڈیا رپوتٹس کے مطابق 33 ویں ٹوکیو انٹرنیشنل فلم فیسٹول کی افتتاحی تقریب ٹوکیو انٹرنیشنل فورم میں منعقد ہوئی اس تقریب کو کورونا وبا کے باعث کافی حد تک محدود کیا گیا جہاں فنکاروں نے پرستاروں کے ایک بڑے ہجوم کی بجائے ٹیلی کمیونیکیشن کے نمائندوں کے سامنے خیرسگالی جذبات کا اظہار کیا۔

اس سال گرانڈ پرکس مقابلہ منعقد نہیں کیا جائے گا کیونکہ عالمی وبا کی وجہ سے بیرون ملک سےانعامی مقابلوں کے ججز شرکت نہیں کر سکتے۔

میڈیا رپورٹس کے مطابق ججز کے فیصلے کی بجائے حاضرین کے ووٹوں کے ذریعے 32 فلموں میں سے انتخاب کیے جانے والا آڈیئنس ایوارڈ اس میلے کا واحد انعام ہو گا میلہ 9 نومبر تک جاری رہے گا۔

واضح رہے کہ ٹوکیو میلے کا سب سے پہلے 1985 میں انعقاد کیا گیا اور 1991 تک ہر دوسال بعد انعقاد کیا جاتا تھا تا ہم اب اس میلے کو ہر سال سجیایا جاتا ہے-