طورخم گیٹ کی افتتاحی تقریب، وزیراعظم کریں گے افتتاح،افغان وفد بھی ہو گا شریک

وزیراعظم عمران خان کل طورخم کا دورہ کریں گے اور طورخم بارڈر کو چوبیس گھنٹے کھلے رکھنے کا افتتاح کریں گے

باغی ٹی وی کی رپورٹ کے مطابق وزیراعظم عمراان خان طور خم بارڈر کو 24 گھنٹے کھلا رکھنے کے منصوبے کا افتتاح کریں گے .وزیراعظم عمران خان طورخم بارڈر پر پاک افغان دوستی اسپتال کا بھی افتتاح کریں گے ،وزیراعلی ٰخیبرپختون خوا محمود خان اوروفاقی وزرابھی وزیراعظم کے ہمراہ ہوں گے، افغانستان سےگورنرنگرہار،وزیرٹرانسپورٹ اورافغان سفیرتقریب میں شرکت کریں گے ،

وزیراعظم کا ویژن ……سات واش روم کھول دئیے گئے، خبرپڑھ کر ہوں حیران

وزیراعظم نے کرپشن اور منی لانڈرنگ کرنے والوں کے خلاف بڑا حکم دے دیا

باب پاکستان جسے پہلےطورخم گیٹ کہا جاتا تھا کے افتتاح کے حوالہ سے انتظامات مکمل ہیں، طورخم بارڈر کا افتتاح تین روز قبل ہونا تھا تا ہم تین روز قبل شمالی وزیرستان میں پاک فوج کے جوانوں پر دہشت گردوں کی فائرنگ کے بعد یہ تقریب ملتوی کر دی گئی تھی. طورخم گیٹ صبح سات بجے سے شام آٹھ بجے تک کھلتا ہے اور رات کو بند رہتا ہے. وزیراعظم عمران خان نے چند ماہ قبل کہاتھا کہ طورخم گیٹ کو چوبیس گھنٹے کھلا رکھا جائے گا ،اسی تقریب میں وزیراعظم شرکت کریں گے.

وزیراعظم اور آرمی چیف کی ملاقات، ملکی سلامتی‌ صورتحال پر بات چیت

وزیراعظم تین دن میں اثاثوں کی تفصیلات ظاہر کریں، اسمبلی میں قرارداد

واضح رہے کہ تین سال قبل پاکستان نے افغان سرحد سے منسلک علاقے طورخم پر بنانے گئے نئے گیٹ کا نام ‘طورخم گیٹ’ سے تبدیل کرکے بابِ پاکستان رکھ دیا ہے۔ اس گیٹ کی تعمیر کےد وران پاکستان فرنٹیئر کور کے میجر جنرل جواد چنگیزی حملے میں شہید ہو گئے تھے. طورخم گیٹ کی تعمیرات کا کام 2014 سے شروع ہوا تھا لیکن افغان حکام کی جانب سے تحفظات کے باعث تاخیر کا سامنا کرنا پڑا تھا،