سوتیلے بہن بھائیوں کا بھائی پر قاتلانہ حملہ وحشیانہ تشدد

گوجرانوالہ(بیورو رپورٹ)دولت ‘جائیداد کی ہوس ‘خون سفید ‘اوورسیز دبئی پاکستانی محمد الیاس جوئیہ کی جائیداد ہتھیانے کیلئے سوتیلے بھائیوں کا وحشیانہ تشدد انکوائری ‘گکھڑ منڈی محلہ شریف پورہ سوتیلے بہن بھائیوں کا بھائی پر قاتلانہ حملہ وحشیانہ تشدد ‘الیاس جوئیہ ولد محمد طفیل جوئیہ نامی شہری نے پولیس سے تحفظ دینے کی اپیل کر دی۔ذرائع کے مطابق محمد طفیل جوئیہ ولد چراغ دین جوئیہ کی پہلی بیوی وفات پا چکی ہے جس سے محمد الیاس جوئیہ نامی بیٹا ہے جبکہ دوسری بیوی سے شعیب جوئیہ، ہمشیرہ حضرا جوئیہ ہیں ۔ طفیل جوئیہ کی گوجرانوالہ گکھڑ اور دبئی میں کروڑوں روپے کی جائیداد ہے جس کی فروخت کے بعد پہلی بیوی مرحومہ سے بیٹے محمد الیاس کو حصہ نہیں دیا جبکہ قانون وراثت کے تحت حصہ مانگنے پر اسے قتل کرنیکی مبینہ کوشش کے علاوہ شعیب جوئیہ آئے دن غنڈوں و جرائم پیشہ لوگوں کے ہمراہ تشدد کا نشانہ بناتا ہے ۔ جبکہ مختلف تھانوں ‘دفتروں میں اس کیخلاف فرضی و جھوٹی درخواستیں دیکر جائیداد سے حصہ نہ لینے پر مجبور کر رہا ہے ۔ الیاس جوئیہ نے الزام لگایا ہے کہ اسکے والد فیصل جوئیہ نے دبئی والی دوکان اور پچاس ہزار درہم دولت ‘جائیداد سے اس کا حصہ وغیرہ دینا ہے ۔ جبکہ والد سے قانون کے تحت افہام و تفہیم سے اپنا حق لینا چاہتا ہے مگر سوتیلے بہن بھائی اور سوتیلی والدہ کروڑوں کی جائیداد منقولہ و غیر منقولہ پر قبضہ کرنے کیلئے اسے راستے سے ہٹانا چاہتے ہیں ۔ الیاس جوئیہ نے اس سلسلہ میں اپنا بیان بھی قلمبند ریکارڈ کروایا ہے ۔ علاقہ کی عوامی ‘شہری ‘سماجی شخصیات اور وکلاء برادری نے مظلوم الیاس جوئیہ کو انصاف مہیا کرتے ہوئے جانی و مالی تحفظ کا مطالبہ کیا ہے جبکہ آر پی او گوجرانوالہ ‘سی پی او گوجرانوالہ ‘ڈپٹی کمشنر گوجرانوالہ ‘کمشنر گوجرانوالہ ڈویژن بالخصوص ڈسٹرکٹ اینڈ سیشن جج گوجرانوالہ سے فوری ایکشن لینے کی اپیل کی گئی ہے ۔