پولیس یوم شہداء تجدید عہدِ وفا کا دن ہے آئی جی خیبرپختونخوا

0
33
پولیس-یوم-شہداء-تجدید-عہدِ-وفا-کا-دن-ہے-آئی-جی-خیبرپختونخوا #Baaghi

آئی جی خیبر پختونخوا معظم جاہ انصاری کا کہنا ہے کہ پولیس کی تاریخ جرات وبہادری کی لاذوال داستانوں سے بھری ہے۔

تفصیلات کے مطابق آئی جی خیبر پختونخوا معظم جاہ انصاری نے پولیس یوم شہداء کے موقع پرپیغام دیتے ہوئے کہا کہ یوم شہداء تجدید عہدِ وفا کا دن ہے، اپنے شہیدوں کی قربانیوں کو رائیگاں نہیں جانے دیں گے۔

انہوں نے کہا کہ دہشت گردی کے مکمل خاتمے تک ہمہ وقت سرگرم عمل رہیں گے، سپاہی سے لے کر ایڈیشنل آئی جی پی تک 1700 شہداء نے قربانی دی، ہمیں اپنے شہیدوں اورغازیوں پر فخر ہے۔

آئی جی خیبر پختونخوا معظم جاہ انصاری نے مزید کہا کہ شہداء کے لواحقین اور بچوں کو تنہا نہیں چھوڑیں گے، خیبرپختونخوا حکومت نے شہید پیکج بڑھا کر دوگنا کردیا ہے، 1700 سے زائد شہداء نے مادروطن کی حفاظت کے لیے اپنی جانوں کی قربانیاں دیں۔

اس سے قبل عثمان بزدار نے پولیس شہداء کو خراج تحسین پیش کرتے ہوئے کہا تھا کہ عوام کے تحفظ کے لئے اپنی جانیں دینے والے پولیس افسران کی لازوال قربانیوں کو فراموش نہیں کیا جاسکتا ہے پولیس کے شہداء نے عوام کے جان و مال کے تحفظ کیلئے اپنی زندگیوں کی قربانی دے کر تاریخ رقم کی ہے، پولیس کے شہداء ہمیشہ ہمارے دلوں میں زندہ رہیں گے۔

عثمان بزدار نے مزید کہاتھا کہ قوم آج ان عظیم ہیروز کی لازوال قربانیوں کو سلام پیش کرتی ہے، پولیس شہداء کے اہل خانہ کی دیکھ بھال ہماری ذمہ داری بھی ہے اور فرض بھی، پولیس شہداء کے اہل خانہ کے ساتھ مکمل یکجہتی کا اظہار کرتے ہیں اور پولیس شہداء کے لواحقین کو تنہا نہیں چھوڑیں گے۔

پولیس کے شہداء قوم کے ہیرو ہیں ہمیشہ ہمارے دلوں میں زندہ رہیں گے عثمان بزدار

Leave a reply