تربیتی طیارے کا حادثہ،پائلٹس کی شہادت پر شہباز شریف نے کیا افسوس کا اظہار

تربیتی طیارے کا حادثہ،پائلٹس کی شہادت پر شہباز شریف نے کیا افسوس کا اظہار
باغی ٹی وی کی رپورٹ کے مطابق پاکستان مسلم لیگ (ن) کے صدر اور قائد حزب اختلاف شہبازشریف نے پاک فوج کے تربیتی طیارے کے حادثے اور اس میں دو پائلٹس کی شہادت پر اظہار افسوس کیا ہے

شہباز شریف کا کہنا تھا کہ میجر عمر اور لیفٹیننٹ فیضان کی شہادت پر ان کے اہل خانہ سے تعزیت کرتے ہیں ،شہیدا اپنے لہو کے نذرانوں سے قوم کو حیات دیتے ہیں، ہمیں ان پر فخر ہے ،اللہ تعالی شہداءکے درجات کو بلند فرمائے اور لواحقین کو صبر جمیل دے۔ آمین

واضح رہے کہ پاک فوج کا تربیتی طیارہ گجرات کے قریب گر کر تباہ ہوا، طیارے میں سوار دونوں پائلٹ شہید ہو گئے ہیں.

حادثے میں انسٹرکٹرمیجر عمر اور تربیتی پائلٹ لیفٹیننٹ فیضان شہید ہوگئے،میجر عمر گجرات اور لیفٹیننٹ فیضان کا تعلق کلرکہار سے ہے