fbpx

ٹرین حادثہ، ریلوے آپریشن تاحال بحال نہ ہوسکا، مسافر خوار، کروڑوں روپے کا نقصان

صوبہ سندھ کے شہر گھوٹکی میں ہونے والے ہولناک ٹرین حادثے کے بعد ریلوے آپریشن تاحال بحال نہ ہوسکا، متعدد ٹرینیں منسوخ اور تاخیر کا شکار ہوچکی ہیں جبکہ محکمے کو کروڑوں روپے کا نقصان الگ ہورہا ہے۔

تفصیلات کے مطابق گھوٹکی ٹرین حادثے کے بعد متاثرہ ٹرین آپریشن 2 دن بعد بھی معمول پر نہ آسکا، مسافر اور کارگو ٹرین آپریشن کو جزوی طور پر بحال کیا گیا ہے۔

ذرائع کا کہنا ہے کہ متاثرہ ٹریک مقررہ اسپیڈ کے لیے مکمل بحال ہونے میں ایک ہفتے سے زائد کا وقت درکار ہے، ٹریک پر ٹرینیں 10 سے 20 کلو میٹر کے درمیان رفتار سے چلائی جارہی ہیں۔

کارگو ٹرین آپریشن 3 دن سے معطل ہونے سے محکمہ ریلوے کو کروڑوں روپے کا نقصان ہورہا ہے۔

حادثے کے بعد منگل کو کراچی سے 14 ٹرینیں منسوخ کی گئیں، منگل اور بدھ کی درمیانی شب صرف 3 ٹرینیں چلائی گئیں۔

خیبر میل، گرین لائن اور سکھر ایکسپریس کی روانگی تاخیر کاش کار ہے جبکہ اتوار اور پیر کو روانہ ہونے والی ٹرینیں 25 سے 30 گھنٹے تاخیر سے منزل مقصود پر پہنچیں گی۔

جواب چھوڑیں

آپ کا ای میل ایڈریس شائع نہیں کیا جائے گا.