fbpx

راکھی ساونت کا بگ باس 15 میں شوہر کے ہمراہ انٹری فیصلہ

بالی ووڈ اداکارہ راکھی ساونت نے بگ باس 15 میں اپنے شوہر رتیش کے ہمراہ داخل ہونے کا اعلان کیا ہے۔

باغی ٹی وی : بھارتی میڈیا کی رپورٹس کے مطابق راکھی ساونت کا کہنا ہے میں شادی شدہ ہوں اور اب پوری دنیا میرے شوہر رتیش کو دیکھے گی۔میں اپنے شوہر کے ہمراہ بگ باس میں داخل ہونے جارہی ہوں میں بہت خوش ہوں اور بگ باس 15 میں جانے کی منتظر ہوں۔

واضح رہے کہ راکھی ساونت بگ باس سیزن 1 میں بطور کھلاڑی شامل ہو چکی ہیں اس کے علاوہ وہ گزشتہ سیزن یعنی بگ باس 14 میں بھی شریک ہوئی تھیں تاہم دونوں بار وہ ٹرافی نہیں جیت سکی تھیں۔ لیکن اس بار راکھی ساونت کا بگ باس 15 کی فاتح بننے کا پورا ارادہ ہے۔

انہوں نے کہا میں ٹرافی پر لٹک جاؤں گی پر ٹرافی گھر لے کر آؤں گی میں اس بار یہ گیم جیتنے کے لیے ہر حربہ استعمال کروں گی اور لوگ جب میرے شوہر رتیش کو بگ باس میں دیکھیں گے تو اس کے بارے میں افواہیں پھیلانا بند کردیں گے کیونکہ لوگوں نے میری بات پر بالکل یقین نہیں کیا جب میں نے انہیں کہا تھا کہ میں نے بزنس مین سے شادی کرلی ہے۔ لوگوں کو لگا میں جھوٹ بول رہی ہوں اور یہ سارا ڈراما میں نے شہرت حاصل کرنے کے لیے کیا ہے۔

بھارتی ڈراما ساز نے”میرے پاس تم ہو” کی کاپی بنالی، سوشل میڈیا صارفین کے دلچسپ تبصرے

واضح رہے کہ اداکارہ راکھی ساونت بارہا میڈیا پر کہہ چکی ہیں کہ ان کی شادی ہوچکی ہے لیکن ان کے شوہر آج تک منظرعام پر نہیں آئے اسئیے بہت سے لوگوں کا خیال ہے کہ راکھی ساونت کی شادی نہیں ہوئی اور رتیش نامی شخص صرف ان کے خیال میں بنی ہوئی ایک تصویر ہے اور کچھ نہیں لیکن اب راکھی ساونت نے انہیں جھوٹاسمجھنے والوں کو جواب دینے کا فیصلہ کرلیا ہے۔

گلوبل آئیکون پریانکا چوپڑا بھی توہم پرست نکلیں

Facebook Notice for EU! You need to login to view and post FB Comments!