رحیم یارخان: شادی سے انکار، والداوربھائیوں نے18سالہ لڑکی کو زندہ جلا دیا

رحیم یارخان(باغی ٹی وی) شادی سے انکار پر والداوربھائیوں نے18سالہ لڑکی کو مبینہ تشدد کے بعد زندہ جلا کر مارڈالا، پولیس نے مقتولہ کےو الدین اور رشتےد اروں کے خلاف مقدمہ درج کرلیا۔

پولیس کے مطابق ضلع رحیم یار خان کے علاقہ ترنڈہ محمد پناہ کی بستی میانی میں نوجوان لڑکی کے قتل کی اطلاع پر پولیس نے وہاں پہنچ کر لاش کو قبضے میں لے لیا جسے والدین اور رشتےد ار دفنانے کی کوشش کررہے تھے۔

پولیس کے مطابق والدین کی جانب سے زبردستی شادی کی کوشش پر لڑکی نے انکار کیا جس پر والد اور رشتے داروں نے لڑکی کو بدترین تشدد کے بعد زندہ جلادیا،

پولیس کا کہنا تھا کہ قتل کا مقدمہ لڑکی کے والد اور بھائیوں کے خلاف درج کرلیا گیا ہے، واقعے کے ملزمان کی گرفتاری کیلئے قبرستان میں تدفین کے وقت چھاپا مارا گیا تاہم ملزمان فرار ہوگئے۔

پولیس کے مطابق لڑکی کے جسم کے مختلف حصوں پر بدترین تشدد اور آگ سے جھلسنے کے نشانات پائے گئے ہیں، لڑکی کی لاش ہسپتال پوسٹ مارٹم کیلئے منتقل کردی گئی ہے جبکہ ملزمان کی تلاش جاری ہے۔

Leave a reply