پاکستان کیلیے امریکا انتہائی اہمیت کا حامل ملک ہے، عمران خان

وزیراعظم عمران خان نے کہا ہے کہ دہشتگردی کے خلاف ہم نے مشترکہ جنگ لڑی،پاکستان کےلیےامریکاانتہائی اہمیت کاحامل ملک ہے

امریکی صدر ڈونلڈ ٹرمپ سے ملاقات کے موقع پر وائیٹ ہاؤس میں گفتگو کرتے ہوئے پاکستان کے وزیراعظم عمران خان نے کہا کہ وزیراعظم بننے کے بعد اس ملاقات کا منتظر تھا،برصغیرمیں امن کے لیے امریکی صدرسے کردارادا کرنے کی درخواست کریں گے،افغان تنازع میں پاکستان نے فرنٹ لائن کا کردار ادا کیا،

وزیراعظم عمران خان نے مزید کہا کہ پاکستان نے نائن الیون کے بعد دہشتگردی کے خلاف جنگ میں امریکا کا ساتھ دیا،

امریکی صدر ڈونلڈ ٹرمپ نے مسئلہ کشمیر پر پاکستان اور بھارت میں ثالثی کی پیشکش کر دی ہے، عمران خان سے ملاقات میں امریکی صدر ڈونلڈ ٹرمپ نے ایران کے حوالے سے بھی گفتگو کی اور کہا کہ ایران کے ساتھ مذاکرات شروع کرنا مشکل سے مشکل تر ہوتا جارہا ہے،

باغی ٹی وی کی رپورٹ کے مطابق وزیر اعظم عمران خان کے وائٹ ہاﺅس پہنچنے پر امریکی صدر ڈونلڈ ٹرمپ نے وزیر اعظم کا گرمجوشی سے استقبال کیا ۔ اس مو قع پر وزیراعظم کو امریکی مسلح افواج کی جانب سے گارڈ آف آنر پیش کیا گیا ۔آرمی چیف جنرل قمر جاوید باجوہ بھی وزیر اعظم کے ہمراہ وائٹ ہاؤ س پہنچے ہیں، وزیر خارجہ شاہ محمود قریشی بھی وزیراعظم کے ساتھ موجود ہیں ۔ عمران خان کے پہنچنے پر دونوں رہنماؤں نے مصافحہ کیا اور اجلاس کیلئے اندر چلے گئے، پہلے مرحلے میں وزیراعظم عمران خان اور امریکی صدر ڈونلڈ ٹرمپ کے درمیان ون آن ون ملاقات ہورہی ہے۔

واضح رہے کہ اس وقت ساری دنیا کی نظریں وزیر اعظم عمران خان کے دورہ امریکہ اور ان کی ٹرمپ سے ملاقات پر لگی ہوئی ہیں، وزیر اعظم عمران خان کے حالیہ دورہ امریکہ کو بہت زیادہ اہمیت دی جارہی ہے، وزیر اعظم کی آج کی ملاقاتوں کا باقاعدہ شیڈول جاری کر دیا گیا ہے، وزیر اعظم بعد ازاں اہم کاروباری شخصیات سے بھی ملاقات کریں گے، وہ پاک امریکا بزنس کونسل کے ساتھ میٹنگ کریں گے اور غیر ملکی میڈیا کو انٹرویو بھی دیں گے،

باغی ٹی وی کی رپورٹ کے مطابق وزیراعظم عمران خان کا خیرمقدم کرتے ہوئےامریکی صدرڈونلڈ ٹرمپ نے گفتگو کرتے ہوئے کہا کہ پاکستان اب افغانستان میں ہماری کافی مدد کررہا ہے ،پاکستان ماضی میں امریکا کا احترام نہیں کرتا تھا لیکن اب ہماری کافی مدد کررہا ہے، امریکی صدر ڈونلڈ ٹرمپ نے مزید کہا کہ اگر میں مدد کرسکا تو مسئلہ کشمیر پر ثالث کا کردار ادا کرنا پسند کروں گا،

ٹرمپ نے افغانستان کے حوالہ سے گفتگو کرتے ہوئے کہا کہ افغانستان میں اپنی فوج کی تعداد کم کررہے ہیں،

وزیر اعظم عمران خان کی آمد سے پہلے استقبال کیلئے امریکی فوج کا دستہ بھی پہنچ گیا جبکہ پاکستانیوں‌کی بڑی تعدد بھی وائٹ ہاؤس کے باہر موجود ہے، عمران خان اور ٹرمپ کی ون آن ون ملاقات کی طرح وفود کی سطح‌پر بھی بات چیت ہو گی،

وزیراعظم عمران خان جب وائیٹ ہاؤس پہنچے تو اس موقع پر وائیٹ ہاؤس کے باہر بڑی تعداد پاکستانیوں کی جمع تھی جنہوں نے وزیراعظم کو دیکھ کر خیرمقدمی نعرے لگائے، وزیراعظم عمران خان نے بھی استقبال کے لئے آنے والوں کو ہاتھ ہلا کر جواب دیا.

جواب چھوڑیں

آپ کا ای میل ایڈریس شائع نہیں کیا جائے گا.