جڑواں شہروں میں دہشت گردی کا بڑا منصوبہ ناکام،ٹی ٹی پی کے دو انتہائی مطلوب دہشتگرد گرفتار

0
22
دہشت گرد

راولپنڈی: سی ٹی ڈی پنجاب اور وفاقی حساس ادارے نے جڑواں شہروں میں دہشت گردی کا بڑا منصوبہ ناکام بناتے ہوئے کالعدم تحریک طالبان پاکستان کے دو انتہائی مطلوب دہشت گرد گرفتار کرلیے۔

باغی ٹی وی: نجی خبررساں ادارے کے مطابق سی ٹی ڈی پنجاب کے مطابق دہشت گردوں کا تعلق تحریک طالبان کے حاجی فقیر گروپ سے ہے دہشتگردوں کی شناخت حیات اللہ اور وکیل خان کے نام سے ہوئی-

سی ٹی ڈی کے مطابق دہشت گردوں نے خودکش حملہ آوروں کے ساتھ راولپنڈی پولیس لائنز پر حملہ آور ہونا تھا، تھانہ صدر بیرونی، ڈسٹرکٹ کورٹس راولپنڈی، سینٹ پال چرچ حاجی فقیر گروپ کا ٹارگٹ تھے۔

سی ٹی ڈی کے مطابق دہشت گردوں نے بتایا ہے کہ انہوں ںے کانونٹ اسکول راولپنڈی، پولیس لائنز اسلام آباد سمیت دیگر حساس مقامات پر تخریبی کارروائیاں کرنی تھیں، انہوں ںے تمام مقامات کی ریکی کرکے تصاویر ٹی ٹی پی کمانڈر افغانستان کو ارسال کیں۔

سی ڈی ڈی نے کہا ہے کہ حاجی فقیر گروپ افغانستان سے آپریٹ ہورہا ہے، ملزمان کے خلاف مقدمہ درج کرکے مزید تفتیش جاری ہے۔

Leave a reply