تنہائی کا شکار ترکی یورپ کے لیے قابل اعتماد شریک نہیں ہو گا : دی اکنامسٹ

امریکی جریدے "دی اکنامسٹ” نے اپنے ایک تازہ مضمون میں ترکی کو تنہائی کی طرف جانے والا ملک قرار دے دیا.

تفصیلات کے مطابق جریدے کے مطابق ایردوآن کی جانب سے اقتدار اور اختیارات پر قبضے کی کارروائیوں کے نتیجے میں ترکی کی یورپی یونین کی رکنیت حاصل کرنے کی درخواست ایک مذاق کے مترادف بن چکی ہے۔ اس حوالے سے آخری دو واقعات نے معاملات کو بدترین بنا دیا ہے۔ پہلے 12 جولائی کو ترکی کی فضائیہ نے روس سے S-400 دفاعی میزائل سسٹم حاصل کیا اور پھر 15 جولائی کو یورپی یونین نے اپنے رکن ملک قبرص کے اطراف پانی میں گیس کی تلاش میں ڈرلنگ کرنے پر ترکی پر پابندیاں عائد کر دیں۔

واضح رہے کہ ترکی کے روس کے دفاعی نظام ایس 400 لینے کے بعد امریکا اور یورپ نالاں نظر آتے ہیں.جبکہ ترکی کو غیر محسوس انداز سے اپنی رفتہ مشرقی روایات کی طرف لے جانے کی وجہ سے بھی اردوان کو کافی تنقید کا سامنا ہے. اس سب کے پیچھے طیب اردوان کی حکومت اور تحریک ہے سیکولر پہلے کی نسبت کافی کمزور ہیں اور اسلام پسندوں کی تعداد دن بدن بڑھ رہی ہے.