ترک ڈرامہ سیریل ارطغرل غازی کے اداکار کی پاکستان آنے سے معذرت

مسلمانوں کی اسلا می فتوحات پر مبنی شہرہ آفاق تُرک سیریز’ارطغرل غازی‘ میں دوآن الپ کا کردار نبھانے والے جاوید جیتن گُنیر نے پاکستان آنے سے معذرت کرلی۔

باغی ٹی وی : جاوید جیتن گُنیر سماجی رابطے کی ویب سائٹ انسٹاگرام پر اردو میں ایک پیغام شیئر کرتے ہوئے اپنے پاکستان آنے کی خبروں کی تردید کرتے ہوئے لکھا کہ میں پاکستانی عوام سے معذرت چاہتا ہوں۔

جاوید جیتن نے لکھا کہ ترکی میں ایک دوست کے ذریعے مصور عباسی نامی وکیل سے ملاقات کی اور کاروباری منصوبوں پر اتفاق کیا۔

تُرک اداکار نے لکھا کہ بعد ازاں یہ معلوم ہوا کہ یہ کاروباری منصوبہ حقیقت پر مبنی نہیں مصور عباسی نے جھوٹ سے کام لیا۔

انہوں نے لکھا کہ پاکستانی عوام کے ساتھ ہماری محبت باہمی ہے لیکن بیان کردہ حالات کے پیشِ نظر میں اپنا دورہ پاکستان نہیں کرسکوں گا۔

جاوید جیتن گُنیر نے پاکستان آنے کی امید ظاہر کرتے ہوئے لکھا کہ مجھے امید ہے کہ میں قابل اعتماد لوگوں سے ملوں گا اور جلد ہی آپ سے ملوں گا-

تُرک اداکارکا سیلابی صورتحال سے پریشان پاکستانی عوام سے ہمدردی کا اظہار