ترک صدرپارلیمنٹ ہاؤس پہنچ گئے، ریڈ زون سیل، خیر مقدمی بینرز لگ گئے

ترک صدرپارلیمنٹ ہاؤس پہنچ گئے، ریڈ زون سیل، خیر مقدمی بینرز لگ گئے

باغی ٹی وی کی رپورٹ کے مطابق ترک صدر رجب طیب اردوان پارلیمنٹ ہاؤس میں پہنچ چکے ہیں، وزیراعظم عمران خان بھی ان کے ہمراہ موجود ہیں، وہ مشترکہ اجلاس سے خطاب کریں گے،

پیپلز پارٹی کے چیئرمین بلاول زرداری، ن لیگ کے رانا ثناء اللہ، چیئرمین جوائنٹ چیفس آف سٹاف بھی پارلیمنٹ ہاؤس پہنچ چکے ہیں. صدر مملکت ڈاکٹر عارف علوی، خواجہ آصف، چیف الیکشن کمشنر بھی پارلیمنٹ ہاؤس پہنچ چکے ہیں

اس موقع پر سیکورٹی کے سخت انتظامات کئے گئے ہیں، ریڈ زون کو سیل کیا گیا ہے، ریڈ زون میں رجب طیب اردوان کے خیر مقدمی بینرز لگائے گئے ہیں، ریڈ زون میں پولیس کی بھاری نفری تعینات کی گئی ہے. مشترکہ اجلاس کی صدرات چیئرمین سینیٹ اور سپیکر قومی اسمبلی کریں گے، اجلاس میں اپوزیشن رہنما بھی موجود ہوں گے جبکہ ملک کی عسکری قیادت، غیر ملکی سفرا بھی مہمان ہوں گے اور خطاب سنیں گے.

ترک صدر نماز جمعہ کہاں کریں گے ادا اور آج کی کیا ہوں گی مصروفیات؟ اہم خبر

اقوام متحدہ مداخلت کرے، تقریر سے کچھ نہ ہوا تو دنیا کو پتہ چل جائے گا کشمیر میں کیا ہو رہا ہے، وزیراعظم

اسلامی ممالک کو کشمیریوں کے ساتھ یکجہتی دکھانی ہوگی، وزیراعظم

کپتان ہو تو ایسا،اپوزیشن کی سازشوں کے باوجود وزیراعظم عمران خان کو ملی اہم ترین کامیابیاں

وزیراعظم اور ترک صدر کی ملاقات، کیا بات چیت ہوئی؟ اہم خبر

پاکستان کی پارلیمنٹ کے مشترکہ اجلاس سے مجموعی طورپر یہ چوتھا خطاب ہو گا، ترک صدر کو بطوروزیراعظم دو بارپاکستان کی پارلیمنٹ سے خطاب کرنے کا اعزاز حاصل ہے جبکہ بطورصدر وہ دوسری بار پاکستان کی پارلیمنٹ سے خطاب کریں گے۔

قومی اسمبلی سیکرٹریٹ کے میڈیا ونگ سے جاری بیان کے مطابق رجب طیب اردوان بطور ترک وزیر اعظم 26 اکتوبر 2009 اور 21 مئی 2012 کو پارلیمنٹ کے مشترکہ اجلاس سے خطاب کر چکے ہیں۔ رجب طیب اردوان نے بطور صدر 17نومبر 2017 کوپہلی مرتبہ خطاب کیا تھا جبکہ وہ بطور ترک صدر پاکستان کی پارلیمنٹ کے مشترکہ اجلاس سے دوسرا خطاب کریں گے۔ترک صدر رجب طیب اردوان کا پاکستان کی پارلیمنٹ سے چوتھی بار خطاب کو انتہائی اہمیت کا حامل سمجھا جا رہا ہے۔ان کا پارلیمنٹ سے خطاب پاکستان کے ساتھ والہانہ محبت اورلازوال دوستی کی غماز ی کرتا ہے۔

صدر رجب طیب اردوان کے خطابات سے پہلے ترکی کے صدر کینان ایورن بھی 15نومبر 1985کو پارلیمنٹ کے مشترکہ اجلاس سے خطاب کرچکے ہیں۔ترکی اورپاکستان ایک دوسرے کے ساتھ تعلقات اسلام ، اخوت ، مساوات ، بھائی چارے ، ثقافت اور تاریخ کے لازوال رشتوں پر استوار ہیں۔ بیان کے مطابق پاکستان کی پارلیمنٹ ،سینٹ اور آئینی اسمبلی سے دیگر غیرملکی شخصایات بھی خطاب کرچکی ہیں۔

ترک صدر کے پہنچنے سے قبل پارلیمنٹ میں ایسا کیا کام کیا گیا کہ وزیراعظم بھی حیران رہ گئے