ترکی اور پاکستان کے مابین تجارتی حجم کہاں تک لے کر جائیں گے؟ ترک صدر کا بڑا اعلان

ترکی اور پاکستان کے مابین تجارتی حجم کہاں تک لے کر جائیں گے؟ ترک صدر کا بڑا اعلان
باغی ٹی وی کی رپورٹ کے مطابق پاک ترک بزنس فورم کی تقریب ہوئی جس میں ترک صدر رجب طیب اردوان اور وزیراعظم عمران خان شریک ہوئے، تقریب کا آغاز تلاوت کلام پاک سے ہوا، بعد ازاں قومی ترانہ پڑھا گیا.

ترک صدر رجب طیب اردوان نے خطاب کرتے ہوئے کہا کہ میں پاکستان آیا، گزشتہ روز صدر عارف علوی کے ساتھ ہمارا اجلاس اور ملاقات ہوئی، آج پارلیمنٹ کے اجلاس سے خطاب کیا اور آج ابھی بزنس فورم کی تقریب میں وزیراعظم کے ساتھ موجود ہیں، ہمارے پاکستان کے ساتھ تعلقات اچھے ہیں،یہ اجلاس دونوں ممالک کے لئے بہترین ثابت ہوں گے.

ترک صدر رجب طیب اردوان نے مزید کہا کہ پاکستان میرا دوسرا گھر ہے،ترکی پاکستان میں انویسٹمنٹ کرے گا ، ترکی کی کمپنیاں پاکستان میں آئیں گی اور یہاں کام کریں گی، ہم انویسٹرز کو ترکی کی شہریت دینے کے لئے تیار ہیں، پاکستان اور ترکی کا باہمی تجارتی حجم اپنی صلاحیت سے کہیں کم ہے اسے بڑھانا ہو گا، پاکستانی ترکی پر اعتماد کریں اس سے انکا مستقبل بھی بہتر ہو گا،

ترک صدر نے کیا کشمیر ، ایف اے ٹی ایف بارے اہم اعلان، کہا وفا کے پیکر پاکستانیوں کو کبھی نہیں بھول سکتے

اقوام متحدہ مداخلت کرے، تقریر سے کچھ نہ ہوا تو دنیا کو پتہ چل جائے گا کشمیر میں کیا ہو رہا ہے، وزیراعظم

اسلامی ممالک کو کشمیریوں کے ساتھ یکجہتی دکھانی ہوگی، وزیراعظم

کپتان ہو تو ایسا،اپوزیشن کی سازشوں کے باوجود وزیراعظم عمران خان کو ملی اہم ترین کامیابیاں

وزیراعظم اور ترک صدر کی ملاقات، کیا بات چیت ہوئی؟ اہم خبر

ترک صدر کے پہنچنے سے قبل پارلیمنٹ میں ایسا کیا کام کیا گیا کہ وزیراعظم بھی حیران رہ گئے

ترک خاتون اول کا اسلام آباد میں تقریب سے خطاب ،کیا اہم اعلان

ترک صدر رجب طیب اردوان کا مزید کہنا تھا کہ پاکستانی قیادت سے ہونے والی ملاقاتوں سے دونوں ممالک کے مابین تعلقات میں مزید اضافہ ہو گا،ہمیں دو طرفہ تجارتی حکم ایک ارب ڈالر اور پھر 5 ارب ڈالر تک لے کر جانا ہے، ترکی کو بھی مشکل حالات کا سامنا تھا لیکن ہم نے محنت کی، عز م وہمت سےمشکلات پرقابو پایا، عمران خان کی زیرقیادت بزنس میں آسانی کیلئے اقدامات کیےگئے، تمام ترمشکلات کےباوجود ترقی کاسفر جاری ہے ترک حکومت کےاقدامات سےسیاحوں کی تعداد میں اضافہ ہوا،ترک کمپنیاں پاکستان میں سرمایہ کاری بڑھاناچاہتی ہیں،

ترک صدرطیب اردوان نے مزید کہا کہ دونوں ملک صحت، تعلیم، توانائی کے شعبے میں تعاون کر رہے ہیں،اعلیٰ سطح تذویراتی کونسل کا آج چھٹا اجلاس ہو گا،

قبل ازیں مشیر تجارت عبدالرزاق داؤد نے تقریب سے خطاب کرتے ہوئے کہا کہ ترک مہمانوں‌ کو انکے دوسرے گھر میں خؤش آمدید کہتے ہیں، پاکستانی وفد بھی جلد ترکی کا دورہ کرے گا، دونوں رہنماؤں‌ نے دو طرفہ تجارتی تعلقات کے مزید فروغ کے لئے اقدامات کئے ہیں، پاک ترک بزنس فورم کا اجلاس دو روز سے جاری تھا، دونوں ملکوں کے مابین تاریخی اور گہرے تعلقات ہیں، ہم تجارت کو مزید بڑھائیں گے، جس سے دونوں ملکوں کی معیشت مضبوط ہو گی.پاکستانی تاجر ترک صدر رجب طیب ایردوان کے آنے والے دورہ پاکستان سے فائدہ اٹھائیں۔

جواب چھوڑیں

آپ کا ای میل ایڈریس شائع نہیں کیا جائے گا.