fbpx

ترک ڈپٹی چیف آف جنرل اسٹاف کی آرمی چیف اور سربراہ پاک فضائیہ سے ملاقات

ترک ڈپٹی چیف آف جنرل اسٹاف کی آرمی چیف اور سربراہ پاک فضائیہ سے ملاقات
آرمی چیف جنرل قمر جاوید باجوہ سے ترکی کے ڈپٹی چیف آف جنرل اسٹاف جنرل سیلکوک بیراک تاروگلو نے آج جی ایچ کیو میں ملاقات کی ہے

ڈی جی آئی ایس پی آر کے مطابق ملاقات میں علاقائی سکیورٹی صورتحال اور پیشہ ورانہ باہمی دلچسپی کے مختلف امور پر تبادلہ خیال کیا گیا ،ملاقات میں دفاعی اورسیکیورٹی تعاون کو بڑھانے پر بھی خصوصی بات چیت کی گئی،آرمی چیف جنرل قمر جاوید باجوہ کا کہنا تھا کہ پاکستان برادرملک ترکی کیساتھ تعلقات کوخصوصی اہمیت دیتا ہے ، افغانستان میں امن واستحکام وقت کی اہم ترین ضرورت ہے ، عالمی توجہ سےافغانستان میں کسی انسانی بحران سے بچا جا سکتا ہے۔

ڈی جی آئی ایس پی آر کے مطابق ملاقات میں دونوں جانب سے فوجی تعاون کومزید فروغ دینے پراتفاق رائے ہوا ، ترک جنرل نے مسلح افواج کیساتھ مختلف شعبوں میں تعاون بڑھانے کےعزم کااعادہ کیا۔ ترک جنرل نےافغانستان کی صورتحال میں پاکستان کےکردارکی تعریف کی۔

قبل ازیں جنرل سیلکوک بیراک تاروگلو، ترک ڈپٹی چیف آف جنرل اسٹاف نے آج سربراہ پاک فضائیہ ایئر چیف مارشل ظہیر احمد بابر سدھو سے انکے دفتر میں ملاقات کی- ملاقات کے دوران دونوں معززین نے پیشہ ورانہ اور باہمی دلچسپی کے امور پر تبادلہ خیال کیا۔

جنرل سیلکوک بیراک تاروگلو نے پیشہ ورانہ مہارت اور ایوی ایشن انڈسٹری میں خود انحصاری کی طرف گامزن پاک فضائیہ کی تعریف کی۔ ایئر چیف نے کہا کہ پاکستان اور ترکی کے مابین دیرینہ مذہبی، ثقافتی اور تاریخی رشتہ قائم ہے جو دونوں فضائی افواج کے مابین مضبوط روابط کا مظہر ہے۔ انہوں نے دونوں برادر ممالک کے درمیان باہمی تعاون کو مزید فروغ دینے کے عزم کا اعادہ بھی کیا۔

Facebook Notice for EU! You need to login to view and post FB Comments!