fbpx

عرب امارات فلک بوس عمارتوں کی سرزمین نہیں ہے بلکہ کردارکی بلند و بالا شخصیات کا گہوارہ بھی ہے:سید بخاری

لاہور:عرب امارات صرف بادل چھیدنے والی فلک بوس عمارتوں کی سرزمین نہیں ہے بلکہ بلند و بالا شخصیات کا گہوارہ بھی ہے:اطلاعات کے مطابق آج عرب امارات میں اس ملک کے قیام کی 50 ویں سالگرہ منائی جارہی ہے اور اس مناسبت سے عرب امارات کی طرح پاکستان میں بھی خوشیاں منائی جارہی ہیں‌

اسی مناسبت کے حوالے سے معروف سماجی شخصیت سید شیراز بخاری جو کہ عرب دنیا کے حوالے سے بہت زیادہ معلومات رکھتے ہیں‌آج پھرایک خوبصورت بات کی ہے ، ان کا کہنا ہے کہ انہوں نے عرب امارات کا چپہ چپہ چھان مارا ہے ، وہاں انہوں نے صرف فلک بوس عمارتیں ہی نہیں دیکھی بلکہ فلک بوس عرب دنیا کی وہ شخصیات بھی دیکھی ہیں جو خدمت انسانیت میں بہت زیادہ بلندوبالا ہیں‌

 

ان کا یہ بھی کہنا تھا کہ عرب امارات صرف بادل چھیدنے والی فلک بوس عمارتوں کی سرزمین نہیں ہے بلکہ بلند و بالا شخصیات کی بھی ہے۔ میں کبھی نہیں بھول سکتا کہ کس طرح میری والدہ کی جان ایک بار شک زید ہسپتال لاہور میں اور حال ہی میں شیخ رشید ہسپتال دبئی میں بچائی گئی۔

سید شیرازبخاری کہتے ہیں کہ سچ یہ ہے کہ عرب امارات کے یہ صرف نام نہیں ہیں، یہ وہ افسانے ہیں جنہوں نے ایک قوم کی تعمیر کی اور آج وہی قوم ایک درخشندہ ستارہ بھی ہے جو دنیا بھر میں چمک رہا ہے

یاد رہے کہ آج عرب امارات جسے 7 ملکوں کی سرزمین بھی کہا جاتا ہے اپنے قیام کی 50 سالگرہ منارہے ہیں اور اس سلسلے میں‌ آج عرب امارات میں رنگ برنگ دنیا نظر آرہی ہے ، پاکستان بھی آج اپنے برادرملک کے قیام کی 50 سالگرہ منارہا ہے اور امید کی جاری ہے کہ پاکستان اور عرب امارات کے درمیان یہ رشتے اور محبت مزید بڑھے گی