fbpx

متحدہ عرب امارات کی مختلف ریاستوں میں زلزلے کے جھٹکے

دبئی: متحدہ عرب امارات کی مختلف ریاستوں میں مقامی وقت کے مطابق صبح 3:15 زلزلے کے جھٹکے محسوس کیے گئے ہیں۔

باغی ٹی وی : عالمی میڈیا کے مطابق جنوبی ایران میں زلزلہ آنے کے باعث یو اے ای میں جھٹکے محسوس کیے گئے زلزلہ پیما مرکز کی جانب سے زلزلے کی شدت 6.0 ریکارڈ کی گئی زلزلے کا مرکز ایرانی ساحلی شہر بندر لنگہ کے قریب تھا۔


کئی سوشل میڈیا صارفین نے زلزلے کی ویڈیوز بھی شئیر کیں-


2003 میں، 6 اعشاریہ 6 شدت کے زلزلے نے بام شہر کو تباہ کر دیا تھا، جس میں 26 ہزار افراد ہلاک ہوئے تھے۔ 2017 میں ایران اور عراق کے درمیان سرحدی علاقے میں 7 شدت کے زلزلے سے 600 افراد ہلاک اور 9000 سے زائد زخمی ہوئے۔

واضح رہے کہ گزشتہ روز پاکستان میں بھی گلگت، اسکردو، گانچھے، شگر اور چلاس سمیت گرد و نواح میں زلزلے کے جھٹکے محسوس کیے گئے تھے ے زلزلے کے باعث لوگوں کی بڑی تعداد کلمہ طیبہ کا ورد کرتی ہوئی گھروں و کاروباری مراکز سے باہر آگئی زلزلے کی وجہ سے لینڈ سلائیڈنگ ہوئی اور ملوپہ کے مقام پر گلگت اسکردو روڈ بند ہو گیا تھا-