fbpx

یو اے ای نے 15 اداروں سمیت 38 افراد کو بلیک لسٹ کر دیا

متحدہ عرب امارات نے دہشت گردی کی فنڈنگ اور دہشت گردی سے منسلک دیگر سرگرمیوں کی روک تھام کے لیے 15 اداروں کو بلیک لسٹ کر دیا ہے اداروں کے ساتھ دہشتگردی کی فہرست میں 38 افراد بھی شامل ہیں جن پر دہشت گردوں کی پشت پناہی کے الزامات ہیں بلیک لسٹ کیئے جانے والوں میں مقامی اور غیرملکی افراد ہیں۔

باغی ٹی وی : عرب نشریاتی ادارے کے مطابق اماراتی حکومت نے مانیٹرنگ اداروں پر زور دیا ہے کہ وہ دہشت گردی کی معاونت کرنے والے افراد اور اداروں پر نظر رکھیں اور بات کو یقینی بنائیں کہ دہشت گردی کی مالی، تکنیکی، لاجسٹک یا تجارتی شکل میں مدد کی روک تھام اور اس حوالے سے ریاستی قوانین پر چوبیس گھنٹوں کے اندر عمل درآمد کو یقینی بنایا جائے.

پاکستان کے برطانوی ریڈ لسٹ سے باہر نکلنے کے امکانات

عرب نیوز نے بلیک لسٹ ہونے والے تمام افراد اور اداروں کی فہرست بھی شائع کی ہے۔

دوسری جانب ایرانی میڈیا کے مطابق لبنان ، عراق ، بھارت ، یمن ، افغانستان ، شام ، نائیجیریا اور ایران کے شہریوں کو حال ہی میں متحدہ عرب امارات نے بلیک لسٹ کیا تھا۔متحدہ عرب امارات کی بیشتر پابندیوں میں وہ کمپنیاں شامل ہیں جو تجارت ، جہاز رانی اور تبادلے کے شعبوں میں سرگرم ہیں۔

متحدہ عرب امارات کا مسافروں کو وزٹ ویزہ آن آرائیول کی سہولت فراہم کرنے کا اعلان

ایرانی میڈیا کے مطابق بلیک لسٹنگ کی کوئی وجہ نہیں بتائی گئی۔یو ای اے کی بلیک لسٹنگ اس وقت سامنے آئی ہے جب عرب ریاست ، امریکی حمایت یافتہ سعودی حکومت کے ساتھ ، ایک طرف یمن سمیت دیگر ممالک کے اندرونی معاملات میں مداخلت کر رہی ہے ، اور دوسری طرف اسرائیلی حکومت کے ساتھ تعلقات کو معمول پر لانے کے لیے۔

گزشتہ روز متحدہ عرب امارات نے متعدد ممالک کے مسافروں کو وزٹ ویزہ آن آرائیول کی سہولت فراہم کرنے کا اعلان کردیا ہے۔ متحدہ عرب امارات کی جانب سے گذشتہ ماہ اگست میں وزٹ ویزوں کا اجرا دوبارہ شروع کرچکا ہے۔

خلیجی اخبار کے مطابق دنیا کے 70 ممالک کے مسافر دبئی پہنچنے پر ویزہ حاصل کرسکتے ہیں جس میں انہیں 90 دن کا وزٹ ویزہ دیا جائے گا اور ملٹی پل انٹری کی اجازت بھی ہوگی۔

بغیر اجازت عمرہ کرنے والوں پر بھاری جرمانہ عائد کرنا کا اعلان