اوچ شریف باغی ٹی وی (نامہ نگار حبیب خان) علی پور روڈ پر واقع سوئی گیس کوٹنگ پلانٹ کے قریب ایک فیکٹری میں خشک گھاس میں آتشزدگی کا واقعہ پیش آیا۔ فیکٹری میں موجود خشک گھاس کو مزدوروں نے آگ لگائی جو بڑھ کر ساتھ پڑی خشک گھاس کی گانٹھوں تک پہنچ گئی۔ اس واقعے میں تقریباً 200 خشک گھاس کی گانٹھیں جل گئیں۔
آگ کے بڑھتے ہوئے شعلوں نے قریبی علاقوں کو بھی خطرے میں ڈال دیا تھا، تاہم ریسکیو 1122 اوچ شریف اور احمد پور کی ٹیمیں فوراً موقع پر پہنچ کر آگ پر قابو پانے میں کامیاب ہو گئیں۔ ریسکیو حکام کے مطابق آگ کی شدت کو دیکھتے ہوئے فوری طور پر متعدد فائر ٹینک اور عملے کو موقع پر روانہ کیا گیا، جس کے نتیجے میں چند گھنٹوں میں آگ پر قابو پا لیا گیا۔
حکام کے مطابق، آگ کے سبب فیکٹری یا کسی انسانی جانی نقصان کی اطلاع نہیں ملی ہے، تاہم خشک گھاس کی گانٹھوں کا نقصان ہوا ہے۔
