اوچ شریف، باغی ٹی وی (نامہ نگار حبیب خان ) مانجھی والا روڈ پر للو والی پل کے قریب دو موٹر سائیکلیں آمنے سامنے ٹکرا گئیں، جس کے نتیجے میں دو افراد شدید زخمی ہو گئے۔
حادثے میں زخمی ہونے والوں کی شناخت محمد اسماعیل ولد عبدالعزیز، سکنہ ککس والا بھٹہ اوچ شریف (عمر تقریباً 35 سال) اور محمد کامران ولد حق نواز، سکنہ مانجھی والا اوچ شریف (عمر تقریباً 30 سال) کے طور پر ہوئی ہے۔
عینی شاہدین کے مطابق، دونوں موٹر سائیکلیں تیز رفتاری کے باعث بے قابو ہو کر ایک دوسرے سے ٹکرا گئیں۔ دونوں سواروں کو شدید چوٹیں آئیں، خاص طور پر ان کے سر پر گہرے زخم لگے۔
مقامی افراد نے فوری طور پر ریسکیو 1122 کو اطلاع دی، جنہوں نے زخمیوں کو ابتدائی طبی امداد فراہم کرنے کے بعد رورل ہیلتھ سینٹر (RHC) اوچ شریف منتقل کر دیا۔
