اوچ شریف،باغی ٹی وی (نامہ نگار حبیب خان) قومی شاہراہ علی پور روڈ اوچ شریف کے قریب للووالی پل کے نزدیک ایک افسوسناک حادثہ پیش آیا، جس میں رکشہ کا ٹائر کھل کر نکل گیا اور رکشہ سامنے درخت سے جا ٹکرایا۔ حادثے کے نتیجے میں 28 سالہ محمد ریاض ولد وزیر احمد شدید زخمی ہو کر جان کی بازی ہار گئے۔
تفصیلات کے مطابق، محمد ریاض اپنے رکشے پر سوار ہو کر جا رہے تھے کہ اچانک رکشہ کا ٹائر کھل کر نکل گیا، جس سے رکشہ بے قابو ہو کر درخت سے ٹکرا گیا۔ محمد ریاض کو شدید چوٹیں آئیں اور ان کی ٹانگ پر گہرا زخم آیا، جس سے فیمورل آرٹری (Femoral artery) تک خون بہہ گیا۔ خون کی زیادہ مقدار ضائع ہونے کی وجہ سے محمد ریاض موقع پر ہی جاں بحق ہو گئے۔
واقعے کی اطلاع ملتے ہی پولیس اور امدادی ٹیمیں فوری طور پر موقع پر پہنچ گئیں، لیکن محمد ریاض جانبر نہ ہو سکے۔
