عمر گل اب کرکٹ میں‌ نئی شکل میں‌ سرگرم ہوں‌گے

عمر گل اب کرکٹ میں‌ نئی شکل میں‌ سرگرم ہوں‌گے

باغی ٹی وی : حال ہی میں کرکٹ کے تمام فارمیٹس سے ریٹائرمنٹ لینے والے عمر گل اب پاکستان سپر لیگ (پی ایس ایل) کے چھٹے ایڈیشن میں کوچ کے روپ میں نظر آئیں گے۔

تفصیلات کے مطابق فاسٹ باؤلر کا پی ایس ایل فرنچائز ٹیم کوئٹہ گلیڈی ایٹرز کیساتھ معاہدہ ہوگیا ہے، عمر گل اب باؤلنگ کوچ بن کر اس کوچنگ فیلڈ میں قسمت آزمائیں گے۔

پاکستان سپر لیگ کے اگلے ایڈیشن کے لیے کھلاڑیوں کی کیٹیگری کی تجدید کر دی گئی ہے اور کھلاڑیوں کے ٹرانسفر اور ٹیم میں برقرار رکھنے کی راہ کھول دی گئی ہے۔

پاکستان سپر لیگ (پی ایس ایل) کے اگلے ایڈیشن میں حصہ لینے والے کھلاڑیوں کی کیٹیگریز کو حتمی شکل دے دی گئی ہے۔‏پاکستان کے کپتان اور حال ہی میں ختم ہونے والی پی ایس ایل 2020 کے 12 میچز میں 473 رنز بنا کر بہترین کھلاڑی قرار پانے والے بابر اعظم کراچی کنگز میں اپنے ساتھیوں عماد وسیم اور محمد عامر کے ساتھ پلاٹینم کیٹیگری سے لطف اندوز ہو رہے ہیں۔

جواب چھوڑیں

آپ کا ای میل ایڈریس شائع نہیں کیا جائے گا.