عمر شریف کی خدمات ہمیشہ یاد رکھی جائیںگی،عمر شریف سے بہت پیاری یادیں وابستہ ہیں، مراد علی شاہ

وزیر اعلی سندھ سید مراد علی شاہ عمر شریف کی رہائش گاہ پر انکے بیٹے اور اہل خانہ سے تعزیت کرنے پہنچے ۔ اس موقع پر انکے ہمراہ ایڈمنسٹریٹر کراچی مرتضی وہاب بھی تھے۔
وزیر اعلی نے عمر شریف کے بارے میں اظہار خیالات کرتے ہوئے فرمایا کہ عمر شریف کی خدمات ہمیشہ یاد رکھی جائیں گی،عمر شریف سے بہت پیاری یادیں وابستہ ہیں، اللہ تعالی ان کے اہل خانہ کو صبر دے اور ان کے مداحوں کو صبر دے۔

عمر شریف جیسے لوگ روزپیدا نہیں ہوتے انکی لیگیسی آگے لے جانا ہمارا کام ہے ۔ عمر شریف کا نام ہمیشہ رہے گاالیکن ان کے جو پروگرام تھے ان کا لوگوں کی خدمت کا وژن آگے بڑھائیں گے ۔

عمر شریف کے متعلق پوچھے گئے سوال پر انھوں نے کہا کہ جس نے ملک کا نام روشن کیا ہم نے جو بھی اس کے لئے کیا وہ ہمارا فرض تھا اور یہ ہمارے اوپر قرض بھی تھا۔انھوں نے کہا کہ عمر شریف کے فن اور فلاحی کاموں کو فروغ دیں گے۔