مرکزی مسلم لیگ کے رہنماؤں نے غزہ کی موجودہ صورتحال،ٹرمپ کی دھمکیوں، اسرائیل کی جانب سے سیز فائر کی خلاف ورزیوں پر ردعمل کا اظہار کرتے ہوئے کہا ہے کہ غزہ فلسطینیوں کا ہے اور اسرائیل سیز فائر کی بار بار خلاف ورزی کر رہا ہے۔ امریکی صدر ڈونلڈ ٹرمپ کی دھمکیاں محض گیدڑ بھبھکیاں ہیں،مرکزی مسلم لیگ فلسطینیوں کے ساتھ کھڑی ہے.امریکی دھمکیوں پر امت مسلمہ خاموش رہنے کی بجائےاتحادو یکجہتی کا مظاہرہ کرے.مغربی ممالک اسرائیل کی پشت پناہی کر کے صرف مشر ق وسطیٰ ہی نہیں پوری دنیا کے امن کو شدید خطرات سے دو چار کر رہے ہیں
مرکزی مسلم لیگ کے صدر خالد مسعود سندھو، سیکرٹری جنرل سیف اللہ خالد، نائب صدور حافظ طلحہ سعید، عظیم چوہدری اور عظمیٰ گل نے اپنے مشترکہ بیان میں کہا کہ فلسطینیوں نے اپنی آزادی کے لئے بے شمار قربانیاں دی ہیں اور ان قربانیوں کو تاریخ میں ہمیشہ سنہری حروف سے لکھا جائے گا،اسرائیل کی جانب سے سیز فائر کی خلاف ورزی ٹرمپ کی شہہ کی وجہ سے ہے،ٹرمپ کا غزہ پر قبضے کا خواب اور پھر فلسطینیوں کو غزہ میں بسنے سے روکنے کا بیان قابل مذمت ہے، فلسطینیوں کو اپنی سرزمین سے کوئی نہیں نکال سکتا، ڈیڑھ برس تک اسرائیل نے ہر حربہ اختیار کر لیا تھالیکن اپنے قیدی حماس سے نہیں چھڑوا سکا تھا.اب ٹرمپ نیتن یاہو گٹھ جوڑ کے بعد بھی فلسطینیوں کی تحریک آزادی مزید مضبوط ہو گی. فلسطینیوں کو غزہ سے نکالنے کا اسرائیل اور امریکہ کا منصوبہ کبھی کامیاب نہیں ہوگا۔
مرکزی مسلم لیگ کے صدر خالد مسعود سندھو کا کہنا تھا کہ امریکہ کو غزہ کے حوالے سے کوئی بھی فیصلہ کرنے سے قبل افغانستان میں اپنی شکست کو سامنے رکھنا چاہیے۔ فلسطینیوں کے حقوق کا دفاع کرنا تمام اسلامی ممالک کا فرض ہے اور ان ممالک کو اس حوالے سے بھرپور ردعمل ظاہر کرنا چاہیے تاکہ اسرائیل اور اس کے حامیوں کو فلسطینیوں کی سرزمین سے بے دخل کرنے کے تمام منصوبے ناکام ہوں۔
