’ ایڈز پھیلنے کی شرح پاکستان میں کتنی ہے؟ اقوام متحدہ کی رپورٹ نے ہلچل مچا دی

اسلام آباد : پاکستان میں ایڈز تیزی سے پھیلنے لگا ، اقوام متحدہ نے سارے حقائق بیان کرکے ہلچل مچادی ، دوسری طرف اقوام متحدہ کی رپورٹ کے مطابق دنیا 2030 تک ایڈز جیسی مہلک بیماری سے چھٹکارا پانے کا منصوبہ بنا رہی ہے

اقوام متحدہ کی طرف سے جاری کی گئی رپورٹ میں انکشاف کیا گیا ہے کہ پاکستان میں13 فی صد کے ساتھ ایچ آئی وی اور ایڈز کے بڑھنے کی شرح دنیا میں سب سے زیادہ ہے ۔رپورٹ کے مطابق سال 2010 میں پاکستان میں ایک ہزار مریضوں میں ایچ آئی وی کی تشخیص کی شرح 0.08 فیصد تھی جو سال 2018 میں بڑھ کر 0.11 فیصد ہوگئی ہے۔

اقوام متحدہ کی اس رپورٹ میں بتایا گیا ہے کہ اس وقت پاکستان میں ایچ آئی وی اور ایڈز سے متاثرہ مریضوں کی تعداد ایک لاکھ 60 ہزار ہے،یہ تعداد 2015 میں ایک لاکھ 20 ہزار جبکہ 2010 میں 67 ہزار تھی۔اس رپورٹ میں یہ بھی انکشاف کیا گیا ہے کہ نو سال پہلے پاکستان میں ایچ آئی وی اور ایڈز کے 14 سال سے کم عمر مریضوں کی تعداد 18 سو تھی جو 2015 میں بڑھ کر 4 ہزار ہوئی جبکہ 2018 میں یہ تعداد 5 ہزار 5 سو تک جاپہنچی ۔

پاکستان کے متعلق پیش کی اس رپورٹ میں انکشاف کیا گیا ہے کہ اسی طرح دو ہزار دس میں 15 سال یا اس سے زائد عمر کی خواتین مریضوں کی تعداد 19 ہزار تھی جو 2015 میں 37 ہزار اور 2018 میں 48 ہزار تک جاپہنچی۔

یاد رہے کہ اقوام متحدہ کی طرف سے جاری کی گئی اس رپورٹ کے مطابق نشے کے عادی شکار افراد میں ایڈز پھیلنے کی شرح 21 فیصد بتائی گئی ہے. جبکہ ہم جنس پرست مردوں میں یہ شرح 3.7 فیصد، خواجہ سراؤں میں یہ شرح 5.5 فیصد جبکہ جسم فروشی میں مبتلا افراد میں اسکی شرح 3.8 فیصد ہے۔

جواب چھوڑیں

آپ کا ای میل ایڈریس شائع نہیں کیا جائے گا.