fbpx

بجلی کی غیر اعلانیہ طویل لوڈ شیڈنگ

شیخوپورہ (محمد فہیم شاکر )شیخوپورہ اور اس کے گردونواح میں بجلی کی غیر اعلانیہ طویل دورانیہ لوڈ شیڈنگ کا شدید ترین سلسلہ شروع ہے جسکی وجہ سے شہری شدید گرمی میں پریشانی کا شکار ہو کر رہ گئے جبکہ متعدد شہریوں کی بے ہوش ہونے اور حالت غیر ہونے کی اطلاعات بھی موصول ہوئی ہیں جبکہ دوسری طرف لیسکو واپڈا کے افسران حکومت کی طرف سے ملنے والے سرکاری موبائل فون پر شہریوں کی شکایات کے ازالے کے لیے فون سننا بھی پسند نہیں کرتے حالانکہ بجلی کے بل پر شکایات نمبر درج ہیں مگر ستم ظریفی کا عالم یہ ہے کہ شہریوں کی طرف سے فون کرنے کے باوجود ایس ڈی او کسی شہری کا فون نہیں سنتے اور ان کی بجلی کے متعلق شکایات کا ازالہ نہیں ہورہا دفتر میں بجلی بندش کی شکایت کے باوجود تمام سب ڈوثیرن کا عملہ اپنی مرضی سے جاتا ہے اس صورتحال پر شہری سراپا احتجاج بن گئے انہوں نے وزیر اعظم اور چیئرمین واپڈا سے صورتحال کا نوٹس لینے کی اپیل کی ہے،بتایا گیا ہے کہ گرمی کی شدت میں اضافہ کے ساتھ ہی بجلی کی غیر اعلانیہ اور طویل دورانیہ لوڈ شیڈنگ کا سلسلہ اپنے عروج پر پہنچ چکا ہے ہر 2گھنٹے کے بعد مسلسل 2،3گھنٹے کی لوڈ شیڈنگ نے شہریوں کو بے حال کر دیا،بجلی کی لوڈ شیڈنگ کے دوران متعد د شہری اور بزرگ بے ہوش کر ہسپتال پہنچ گئے،جبکہ دوسری طرف لیسکو واپڈا کے افسران شہریوں کی شکایات کے ازالہ میں بری طرح ناکام ہو چکے ہیں اور سرکاری موبائل فون پر شہریوں کی شکایات نہیں سن رہے متعدد با ر فون کرنے پر بھی ایس ڈی او صاحبان شہریوں کی بات سننے سے عاری ہیں۔