غیر تعلیم و تربیت یافتہ عملہ انسانی جانوں سے کھیلنے لگا

شیخوپورہ (نمائندہ باغی ٹی وی)
شیخوپورہ میں نجی ہسپتال کے غیر تربیت یافتہ عملے نے خاتون کی جان لے لی ۔ ڈسپنسر کے مبینہ غلط انجیکشن سے خاتون جاں بحق ہو گئی

شیخوپورہ کے نواحی علاقے کی رہائشی 40 سالہ خاتون حاجرہ بی بی معمولی تکلیف کے باعث گوجرانوالہ روڈ پر واقع طارق ہسپتال میں چیک اپ کے لیے آئی تو وہاں موجود غیر تربیت یافتہ ڈسپینسر نے مبینہ طور پر غلط انجکشن لگا دیا جس سے وہ موقع پر ہی جاں بحق ہو گئی ، ورثاء نے ہسپتال انتظامیہ کے خلاف شدید احتجاج کیا پولیس کی بھاری نفری بھی موقع پر پہنچ گئی۔ اسپتال کا مالک ڈاکٹر طارق اور دیگر عملہ اسپتال سے فرار ہو گیا ورثاء کا کہنا ہے کہ ہسپتال انتظامیہ کے خلاف مقدمہ درج کر کے کاروائی کی جائے