یونیسکو نے ثقافتی ورثے میں‌ سعودی کجھوروں کواپنی فہرست میں شامل کرلیا،6 مقامات پہلے ہی حصہ ہیں‌

0
24

ریاض : یونیسکو نے ثقافتی ورثے میں‌ سعودی کجھوروں کو بھی اپنی فہرست میں شامل کرلیا،6سعودی مقامات پہلے ہی ورثے کا حصہ ہیں‌،اطلاعات کےمطابق اقوام متحدہ کی تنظیم برائے ثقافت و سائنس یونیسکو نے 2019 کے دوران بنی نوع انساں کے غیر مادی ثقافتی ورثے کی فہرست میں سعودی کھجوروں کو شامل کیا ہے۔


کولمبیا میں یونیسکو کی نمائندہ کمیٹی کے اجلاس میں سعودی عرب کا حق تسلیم کرلیا گیا، اس سے قبل سعودی عرب کے چھ مقامات یونیسکو کی فہرست میں شامل کیے جاچکے ہیں جبکہ کھجور ساتواں ہے۔سعودی عرب کھجوروں کی کاشت والا اہم ملک ہے اور اس پر دو ارب سعودی ریال کی سرمایہ کاری کی جاچکی ہے۔

سعودی خبررساں ادارے ایس پی اے کے مطابق سعودی عرب کھجوروں کی کاشت اور پیداوار میں پوری دنیا میں بہت آگے ہے، سعودی کھجوروں کی طلب بین الاقوامی منڈیوں کی جانب سے بڑھتی جارہی ہے۔اقوام متحدہ کی خوراک کی تنظیم کے مطابق سعودی عرب میں 23 ملین سے زیادہ کھجوروں کے درخت ہیں۔ یہ سالانہ 1.122ملین ٹن کھجوریں دے رہے ہیں۔

عرب خبر رساں ادارے کے مطابق دنیا کے مختلف ممالک میں کھجوروں کی 500 سے زیادہ قسمیں ہیں جبکہ کجھوروں کی نوّے فیصد اقسام عرب دنیا اور بیشتر سعودی عرب میں پائی جاتی ہیں۔

عرب خبر رساں ادارے کی رپورٹ کے مطابق 14عرب ممالک سعودی عرب، بحرین، مصر، عراق، اردن، کویت، ماریطانیہ، مراکش، سلطنت عمان، فلسطین، سوڈان، تیونس، متحدہ عرب امارات اور یمن نے اس حوالے سے اپنی شناخت رکھتے ہیں۔

Leave a reply